Zialenski paabiacaŭ da kanca miesiaca adramantavać naftapravod «Družba»
Prezident Ukrainy Uładzimir Zialenski paviedamiŭ, što naftapravod «Družba» zmoža adnavić pastaŭki nafty ŭ Vienhryju i Słavakiju da kanca krasavika. Pra heta jon zajaviŭ padčas pres-kanfierencyi razam ź fiederalnym kancleram Hiermanii Frydrycham Miercam, piša «Jeŭrapiejskaja praŭda».
Uładzimir Zialenski. Fota: AP Photo/Khalil Hamra
Pa słovach Zialenskaha, ramont užo blizki da zaviaršeńnia, choć poŭnaściu infrastrukturu adnavić pakul nie ŭdasca. Tym nie mienš, naftapravod zmoža pracavać i zabiaśpiečvać pastaŭki.
Zialenski taksama vykazaŭ nadzieju na dobruju supracu z novymi ŭładami Vienhryi.
Raniej premjer-ministr Vienhryi Viktar Orban zajaŭlaŭ, što Budapiešt nie budzie padtrymlivać rašeńni na karyść Ukrainy, u tym liku novyja sankcyi suprać Rasii i finansavuju dapamohu, pakul nie adnoviacca pastaŭki rasijskaj nafty pa «Družbie».
U toj ža čas adrazu paśla vybaraŭ budučy premjer Vienhryi Pieter Madźjar adznačyŭ, što jahonaja kraina niejki čas praciahnie zakuplać rasijskuju naftu, ale budzie imknucca dyviersifikavać krynicy enierharesursaŭ.
Čytajcie taksama:
Madźjar anansavaŭ uviadzieńnie abmiežavańniaŭ na terminy zajmańnia pasady premjera Vienhryi
Pieter Madźjar zajaviŭ, što paraiŭ by Pucinu zaviaršyć vajnu
Videa ź pieramožnym tancam u Budapiešcie sabrała za noč bolš za miljon prahladaŭ