Madźjar anansavaŭ uviadzieńnie abmiežavańniaŭ na terminy zajmańnia pasady premjera Vienhryi
Pieter Madźjar zajaviŭ, što novyja ŭłady Vienhryi chočuć pamianiać Kanstytucyju i ŭvieści abmiežavańnie: adzin čałaviek zmoža być premjer-ministram nie bolš za dva terminy, heta značyć vosiem hadoŭ, paviedamlaje The Moscow Times.
Pa słovach Pietera Madźjara, hetaja norma patrebnaja dla ŭmacavańnia demakratyi, i vyklučeńniaŭ nie budzie ni dla kaho. Z ulikam taho, što Viktar Orban užo kiravaŭ krainaj kala 20 hadoŭ, jon bolš nie zmoža zaniać hetuju pasadu.
Madźjar taksama skazaŭ, što dla surjoznych źmien nieabchodna pazbavicca ad ludziej, źviazanych sa staroj sistemaj, u tym liku zaklikaŭ prezidenta Tamaša Šujaka pajści ŭ adstaŭku. Jon padkreśliŭ, što hetaha chočuć hramadzianie.
Budučy premjer paabiacaŭ zmahacca z karupcyjaj i dałučyć Vienhryju da Jeŭrapiejskaj prakuratury, što błakavałasia papiaredniaj uładaj. Heta, na jaho dumku, dapamoža adnavić dostup da finansavaj dapamohi ES, u tym liku da dziasiatkaŭ miljardaŭ jeŭra, jakija byli zamarožanyja z-za admovy raniejšych uładaŭ pravodzić nieabchodnyja reformy.
Akramia taho, heta moža pryvieści da rasśledavańniaŭ taho, jak u apošnija hady vykarystoŭvalisia jeŭrapiejskija srodki. Apazicyja śćviardžaje, što značnaja častka hetych hrošaj dastałasia kampanijam, źviazanym ź blizkimi da Orbana ludźmi. Paviedamlajecca, što jaho dačka i ziać, jakija vałodajuć bujnym biznesam, užo vyjechali z krainy ŭ Ńju-Jork.
Partyja Pietera Madźjara «Cisa» na vybarach 12 krasavika zdabyła pieravažnuju bolšaść miescaŭ u parłamiencie i ciapier moža pamianiać Kanstytucyju. Partyja Viktara Orbana «Fides» prajhrała vybary i jon heta pryznaŭ, choć zajaviŭ, što ŭvohule nie źbirajecca zdavacca.
Pieter Madźjar zajaviŭ, što paraiŭ by Pucinu zaviaršyć vajnu
«Ja Viktar Orban, i ja chaču vas pavinšavać». Madźjar raskazaŭ pra svaju razmovu z Orbanam
Madźjar: Sijarta pajechaŭ u MZS źniščać važnyja dakumienty
Videa ź pieramožnym tancam u Budapiešcie sabrała za noč bolš za miljon prahladaŭ
Chto taki Pieter Madźjar, jaki pieramoh Viktara Orbana
Ciapier čytajuć
«Ja bolš nie anarchist». Mikoła Dziadok — pra turmu, Boha i rasčaravańnie ŭ ideałohijach32
Kamientary