Biełaruś u rejtynhu nie razhladali, ale acanili ŭzrovień žyćcia piensijanieraŭ u Polščy, Litvie i Rasii.
Štohod kampanija Natixis Investment Managers pravodzić detalovaje daśledavańnie i składaje hłabalny indeks piensijnaha zabieśpiačeńnia, u jakim publikuje rejtynh najlepšych krain śvietu dla piensijanieraŭ.
Na asnovie danych Suśvietnaha banka, MVF i aficyjnaj statystyki šerahu krain składalniki rejtynhu aceńvajuć samyja roznyja paramietry žyćcia piensijanieraŭ: ceny na pradukty i žyllo, dostup da jakasnych finansavych i miedycynskich pasłuh, pamier piensii, piša Myfin.
Pieršaje miesca ŭ śpisie z 44 dziaržaŭ zajmaje Narviehija. Na druhoj pazicyi znachodzicca Irłandyja, a na treciaj — Šviejcaryja.
U top-10 najlepšych krain dla piensijanieraŭ pa viersii Natixis taksama ŭvajšli:
- Isłandyja;
- Danija;
- Niderłandy;
- Aŭstralija;
- Hiermanija;
- Luksiemburh;
- Słavienija.
Biełaruś składalniki rejtynhu nie razhladali, a voś krainy-susiedzi ŭ śpisie jość. Polšča raźmiaściłasia na 28‑j pazicyi, Litva — na 30-j, Łatvija — na 34-j, Rasija — na 36-j.
Kamientary