U Babrujsku impartazamiaściać draže M&M’s

Babrujskaja kandytarskaja fabryka «Čyrvony charčavik» płanuje ŭžo ŭ mai pačać prodaž novaha sałodkaha praduktu, jaki budzie zamianiać viadomaje šakaładnaje draže M&M’s. Pra heta paviedamili pradstaŭniki pradpryjemstva, piša Office Life.

Foto: zatestilmogilev

Prajekt impartazamiaščeńnia abmiarkoŭvaŭsia jašče raniej, kali na fabrycy ŭstanavili śpiecyjalnuju liniju dla vytvorčaści padobnych cukierak. Ciapier raspracoŭka dajšła da etapu zapusku.

Novuju pradukcyju nazvali «Džojcy». Jaje buduć vypuskać u nievialikich upakoŭkach pa 50 hramaŭ. Płanujecca dva vidy načynki: małočny šakaład u johurtavaj hłazury abo ŭ kalarovaj abałoncy.

Pavodle pradstaŭnikoŭ pradpryjemstva, pierad zapuskam śpiecyjalisty vyvučali smakavyja pieravahi pakupnikoŭ.

Taksama paviedamlajecca, što za minuły hod fabryka raspracavała bolš za piaćdziasiat novych receptaŭ u miežach prahramy impartazamiaščeńnia. Siońnia jaje pradukcyja ekspartujecca ŭ 14 krain, asnoŭny rynak — Rasija. Pradpryjemstva taksama pašyraje hieahrafiju prodažu i šukaje novyja rynki, u tym liku ŭ krainach Azii: niadaŭna zajšli ŭ Tadžykistan, a ciapier prycelvajucca na Banhładeš.

Kamientary da artykuła