«Čyrvony charčavik» mianiać recepturu nie budzie.
Ziefir NanoFit ad babrujskaha «Čyrvonaha charčavika» stali abmiarkoŭvać u sacsietkach z-za niečakanaha efiektu. Hety pradukt ź liniejki zdarovaha charčavańnia, cukar u im zamienieny maltytam — i hety padsaładžalnik moža davać pasłablalny efiekt.
Na pradpryjemstvie raniej parekamiendavali pačynać užyvać taki ziefir z čaćviarcinki i pastupova pavialičvać porcyju, sočačy za reakcyjaj arhanizma.
Pradstaŭniki «Čyrvonaha charčavika» raskazali Office Life, što mianiać recepturu i zdymać z vytvorčaści pradukcyju biez cukru nie płanujuć. Pry hetym na samu fabryku pastupajuć adzinkavyja skarhi na ziefir biez cukru NanoFit. I tut imknucca apieratyŭna dać tłumačeńni, pastajanna manitorać kamientary pad publikacyjami. Ale i stanoŭčych vodhukaŭ vielmi šmat, adznačyli na pradpryjemstvie:
«Handlovaja marka zapatrabavanaja, u jaje jość svaja metavaja aŭdytoryja. Jana ŭklučaje nie tolki tych, chto nie ŭžyvaje cukar abo jaho abmiažoŭvaje. Jość šmat ludziej, u jakich «zvarotnaja dalikatnaja prablema» pa zdaroŭi».
Pa słovach pradstaŭnikoŭ fabryki, pradukcyja liniejki NanoFit, u tym liku marmieład i chałva biez cukru, zaŭsiody karystałasia dobrym popytam. Ale ciapier, paśla hetaj chvali ŭ sacsietkach, prodažy vyraśli jašče bolš.
Ciapier čytajuć
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»23
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary