Vyśvietlili, jak jeści toj papularny ziefir, jaki abmiarkoŭvajuć u sacsietkach praź jaho pasłablalny efiekt
U Threads tolki i razmaŭlajuć pra babrujski ziefir NanoFit — akazałasia, jon maje pasłablalny efiekt, i časam vielmi mocny. «Naša Niva» vyśvietliła, kolki jaho možna źjeści, kab ad łasunku zastalisia tolki pryjemnyja ŭspaminy.
U Threads aktyŭna abmiarkoŭvajuć ziefir NanoFit ad babrujskaha «Čyrvonaha charčavika». Hety pradukt prezientujuć jak zdarovaje charčavańnie, bo ŭ jaho składzie zamiest cukru jość padsałodžvalnik maltyt, i kałaryjnaść taho łasunku nižejšaja za zvyčajny ziefir.
Ale ž vyjaviłasia, što hety ziefir maje pasłablalny efiekt. Pra heta napisała karystalnica Threads — maŭlaŭ, padzialiciesia ŭražańniami, ci nie raspačałasia ŭ vas ad taho ziefiru dyjareja. I atrymała bolš za tysiaču kamientaroŭ ad karystalnikaŭ, jakija mieli z tym ziefiram padobny dośvied. Šmat kamu zrabiłasia cikava vyprabavać ziefir na siabie, i popyt na jaho ŭźlacieŭ. Pišuć, što ciapier jaho składana kupić.
Darečy, na ŭpakoŭcy ziefiru jość papiaredžańnie ad vytvorcy: «Źmiaščaje padsałodžvalniki. Pry praźmiernym užyvańni mohuć akazvać pasłablalnaje dziejańnie».
Ale jak zrazumieć, kolki možna źjeści taho ziefiru? Žurnalistka «Našaj Nivy» pazvaniła ŭ «Čyrvony charčavik» jak spažyvalnica. Supracoŭnica pradpryjemstva adkazała:
«Ja vam nie mahu skazać dakładna, bo heta ŭsio zaležyć ad arhanizma. Ale mahu skazać pa sabie — ja pačynała jaho jeści z čvertački, kab pahladzieć, jak na jaho budzie reahavać arhanizm. U jaho składzie jość maltyt. U niekatorych ludziej jon ničoha nie vyklikaje, a ŭ niekatorych vyklikaje razład, uzdućcie žyvata.
Kali vy žadajecie pačać jaho jeści, pasprabujcie pačynać z čaćviarcinki i pastupova pavialičvać daziroŭku. Arhanizm tady budzie pryvykać da padsaładžalnika».
Hety recept pradpryjemstva raspracoŭvała 2,5 hoda razam z navukoŭcami z Akademii navuk.
Biaśpiečnaja doza maltytu zvyčajna składaje 20‑40 hramaŭ na dzień, ale mnohaje zaležyć ad adčuvalnaści arhanizma. U adnoj ziefiryncy — 26 h maltytu.
«Naša Niva» — bastyjon biełaruščyny
PADTRYMAĆ
Pasadzili advakata Dźmitryja Łajeŭskaha, jaki abaraniaŭ Babaryku i Znaka10
Pasadzili advakata Dźmitryja Łajeŭskaha, jaki abaraniaŭ Babaryku i Znaka
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5151
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam51
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki4646
Kamientary