Biełarusy Varšavy zapisali pravasłaŭnuju liturhiju na rodnaj movie

U Varšavie ŭžo try hady isnuje biełaruskamoŭnaja pravasłaŭnaja supolnaść — hramada pry kaplicy Śviatoha Ryhora Pieradze. Słužać u prychodzie ŭ tym liku pa-biełarusku. Ciapier chor supolnaści zapisaŭ usiu vielikodnuju jutrań i častkova śviatočnuju liturhiju.

Pasłuchać śpievy i atrymać dostup da notaŭ možna tut.

Hramada źbiraje hrošy na dalejšyja zapisy. Chočuć vydać notnyja zborniki dla biełaruskamoŭnych liturhij Śviatoha Jana Załatavusnaha i Śviatoha Vasila Vialikaha, a taksama zrabić aŭdyjazapis Boskaj liturhii pa-biełarusku.

Usie materyjały supolnaść pry kaplicy Śviatoha Ryhora Pieradze vykładaje ŭ ahulny dostup.

Kaplica mieścicca na vulicy Lelachoŭskaj, 5, heta na Achocie (Lelechowska, 5).

U kaplicy Śviatoha Hieorhija Pieradze, pry jakoj isnuje supolnaść pravasłaŭnych biełarusaŭ. Fota Wikimedia Commons

Śviaty Ryhor Pieradze byŭ vybitnym hruzinskim bahasłovam i historykam hruzinskaha pachodžańnia, jaki z 1933 hoda pracavaŭ u Polščy na kafiedry pravasłaŭnaj teałohii Varšaŭskaha ŭniviersiteta. U 1942 hodzie jaho aryštavali, jon zahinuŭ u kancłahiery Aŭšvic. U 1995 hodzie Hruzinskaja pravasłaŭnaja carkva kananizavała jaho.

Padtrymać spravu hrašyma možna tut.

Kamientary da artykuła