Fiestyval «Brasłaŭskija zarnicy» sioleta ŭsio-taki adbudziecca
Paśla paviedamleńnia pra toje, što Brasłaŭski rajvykankam admianiŭ svajo rašeńnie nakont arhanizacyi i praviadzieńnia fiestyvala, brasłaŭskija čynoŭniki paśpiašalisia dać abviaržeńnie. Maŭlaŭ, śviata projdzie, jaki i płanavałasia, z 22 pa 24 traŭnia, piša «Viciebskaja viasna».
Fota ilustracyjnaje
Zahadčyca siektara kultury rajvykankama Ludmiła Novikava paviedamiła, što raniejšaje rašeńnie admieniena «ŭ suviazi sa źmienaj narmatyŭnych pravavych aktaŭ i ŭmoŭ praviadzieńnia fiestyvalu». Što kankretna źmienicca, jana nie patłumačyła, ale jość vierahodnaść, što źmieny zakranuć mižnarodny status fiestyvalu.
«Brasłaŭskija zarnicy» — najstarejšaje ŭ Biełarusi śviata tražycyjnaj kultury. Upieršyniu jon adbyŭsia ŭ 1967 hodzie, u 2009‑m zajmieŭ status mižnarodnaha. Na fiestyval źjazdžalisia tancory, muzyki, vykanaŭcy piesień z roznych rehijonaŭ Biełarusi, Rasii, Ukrainy, Litvy, Łatvii, Polščy, Estonii. Ale ŭ apošnija hady zamiežnych vykanaŭcaŭ pa zrazumiełych pryčynach zaŭvažna pamienieła.
Čytajcie taksama:
U Brasłavie admianili fiestyval z amal 60‑hadovaj historyjaj
U Biełarusi adzin za adnym admianiajuć fiestyvali. U čym pryčyna?
Chto vystupić na «Słavianskim bazary» i kolki kaštujuć kvitki
«Da apošniaha vieryli, što atrymajem dazvoł». Admianili jašče adzin muzyčny fiestyval