U NATA chočuć admovicca ad štohadovych samitaŭ, kab nie ćvialić lišni raz Trampa

U kiraŭnictvie NATA abmiarkoŭvajuć mahčymaść admovicca ad štohadovych samitaŭ aljansu. Pra heta paviedamlajuć krynicy Reuters. Pavodle infarmacyi ahienctva, taki krok razhladajecca ŭ tym liku dla taho, kab paźbiehnuć kanfliktaŭ z prezidentam ZŠA Donaldam Trampam padčas jaho apošniaha hoda znachodžańnia ŭ Biełym domie.

Donald Tramp. Fota: Chip Somodevilla/Getty Images

Tramp nieadnarazova krytykavaŭ inšyja krainy NATA. Apošnim časam jon vykazvaŭ niezadavolenaść tym, što sajuźniki nibyta niedastatkova padtrymali ZŠA ŭ vajnie suprać Irana.

Za 77 hadoŭ isnavańnia NATA samity pravodzilisia z roznaj pieryjadyčnaściu. Adnak z 2001 hoda jany adbyvalisia štohod.

Užo viadoma, što 7—8 lipienia 2026 hoda sustreča lidaraŭ krain aljansu pavinna prajści ŭ Ankary. Adnak niekatoryja ŭdzielniki NATA ličać, što pieryjadyčnaść takich sustreč možna i źmienšyć.

Adzin z dypłamataŭ paviedamiŭ, što zapłanavany na 2027 hod samit u Ałbanii, chutčej za ŭsio, adbudziecca, ale sustreču ŭ 2028 hodzie mohuć admianić.

U 2028 hodzie ŭ ZŠA pavinny adbycca čarhovyja prezidenckija vybary, paśla jakich Tramp pakinie svaju pasadu.

Pradstaŭnik NATA ŭ adkaz na zapyt žurnalistaŭ zajaviŭ, što aljans i nadalej budzie rehularna pravodzić sustrečy kiraŭnikoŭ dziaržaŭ i ŭradaŭ, a pamiž samitami praciahnie kansultacyi pa pytańniach ahulnaj biaśpieki.

Kamientary da artykuła