Premjer-ministr Ispanii sprabuje abjadnać levyja siły ŭ suśvietnuju kaalicyju suprać trampaŭskaj MAGA
Premjer-ministr Ispanii Piedra Sančes pravioŭ u Barsiełonie mižnarodnuju kanfierencyju, jakaja abjadnała lidaraŭ levych sił z roznych krain śvietu. Mierapryjemstva doŭžyłasia dva dni i razhladałasia jak svojeasablivy adkaz na kansiervatyŭnuju płatformu MAGA, źviazanuju z prezidentam ZŠA Donaldam Trampam, paviedamlaje Euronews.
U sustrečy ŭdzielničali palityki ź Jeŭropy, Łacinskaj Amieryki i Afryki. Siarod ich byŭ prezident Brazilii Łuis Inasiu Łuła da Siłva, jaki rezka raskrytykavaŭ «vajennych lidaraŭ» i technałahičnych mahnataŭ, abvinavaciŭšy ich u padryvie demakratyi i pravoŭ pracoŭnych, a taksama naniasieńni škody pryrodzie.
Siarod inšych vysokapastaŭlenych haściej byli prezident Paŭdniova-Afrykanskaj Respubliki Sirył Ramafosa, prezident Kałumbii Hustava Pietra i prezidentka Mieksiki Kłaŭdyja Šejnbaŭm. Usie jany raniej ustupili ŭ kanflikt z Trampam pa pytańniach mytnych pošlin i mihracyi. PAR, akramia taho, sutyknułasia z abvinavačvańniami ŭ «antybiełym» rasiźmie.
Pradstaŭnictva ad Jeŭropy ŭklučała vice-kanclera Hiermanii Łarsa Klinhbajla, brytanskaha ministra zamiežnych spraŭ Devida Łemi, lidarku italjanskaj apazicyi Eli Šlajn i kiraŭnika Sacyjalistyčnaj partyi Bielhii Pola Mańjeta. Taksama prysutničaŭ francuzski ekanamist Habryel Ziukman, jaki vystupaje za pavyšeńnie padatkaŭ dla bahatych.
Prezident Jeŭrapiejskaj rady Antoniu Košta taksama mieŭsia być na mierapryjemstvie, ale admianiŭ svoj vizit u apošni momant, spasłaŭšysia na asabistyja pryčyny.
Padčas vystupleńniaŭ na kanfierencyi nieadnarazova hučała krytyka palityki Trampa, u tym liku jaho handlovych i źniešniepalityčnych krokaŭ. Udzielniki zaklikali da kansalidacyi «prahresiŭnych sił» dla supraćdziejańnia, jak jany adznačyli, «reakcyjnaj chvali» ŭ śviecie.
Haspadar mierapryjemstva Piedra Sančes padkreśliŭ, što meta kanfierencyi — abjadnać levyja i «prahresiŭnyja» ruchi na mižnarodnym uzroŭni. Jahonaja ŭłasnaja aktyŭnaja źniešniaja pazicyja apošnim časam vyklikaje vialikaje napružańnie ŭ adnosinach z ZŠA, dzie Tramp užo krytykavaŭ ispanskaha lidara i pahražaŭ ekanamičnymi mierami.
Mierapryjemstva prajšło na fonie składanaj situacyi dla samoha Sančesa ŭnutry krainy: jahonaja žonka fihuruje ŭ spravie ab karupcyi, jakuju jany abodva admaŭlajuć i nazyvajuć palityčna matyvavanaj.
«Zamiest vyratavańnia Jeŭropy centrysty viaduć jaje ŭ prorvu»
Ispanija vystupiła suprać pavieličeńnia vydatkaŭ na abaronu da 5% ad VUP
Prezident Čechii: Tramp za niekalki tydniaŭ zrabiŭ bolš dla padryvu davieru da NATA, čym Pucin za mnohija hady
25‑hadovaja ispanka dva hady zmahałasia za prava na eŭtanaziju paśla hrupavoha zhvałtavańnia i invalidnaści. I ŭrešcie pieramahła
Kamientary