Administracyja prezidenta ZŠA Donalda Trampa padrychtavała nieaficyjny śpis krain NATA, padzialiŭšy ich na «dobrych» i «drennych» sajuźnikaŭ. Meta — acanić, chto i jak padtrymaŭ ZŠA ŭ vajnie suprać Irana, i vyrašyć, jak reahavać na tych, chto hetaha nie zrabiŭ, piša Politico sa spasyłkaj na troch jeŭrapiejskich dypłamataŭ i amierykanskaha čynoŭnika.
Paviedamlajecca, što pierad vizitam hienieralnaha sakratara NATA Marka Rute ŭ Vašynhton amierykanskija čynoŭniki analizavali ŭkład kožnaj krainy ŭ ahulnuju abaronu i na hetaj asnovie raźmierkavali ich pa katehoryjach.
Jašče raniej ministr abarony ZŠA Pit Chiehset zajaŭlaŭ, što krainy, jakija aktyŭna padtrymlivajuć ZŠA i vykonvajuć svaje abaviazki, atrymajuć pryjarytet u supracoŭnictvie. Tyja ž, chto hetaha nie robić, mohuć sutyknucca ź niehatyŭnymi nastupstvami.
Pakul dakładna nieviadoma, jakija mienavita miery buduć užytyja. Siarod mahčymych varyjantaŭ nazyvajuć pieradysłakacyju amierykanskich vojskaŭ, skaračeńnie sumiesnych vučeńniaŭ abo abmiežavańnie prodažu ŭzbrajeńniaŭ. Adnak niekatoryja kroki mohuć być składanymi i darahimi ŭ realizacyi.
Pavodle infarmacyi ŚMI, najbolšuju padtrymku z boku ZŠA mohuć atrymać Polšča i Rumynija, a taksama krainy Bałtyi — Litva, Łatvija i Estonija, jakija stabilna vydzialajuć značnyja srodki na abaronu. Naprykład, Polšča amal całkam sama niasie vydatki na ŭtrymańnie amierykanskich vojskaŭ, a Rumynija dazvoliła vykarystoŭvać svaju vajskovuju infrastrukturu padčas vajny ZŠA suprać Irana. Taksama adznačajecca rola Bałharyi ŭ padtrymańni amierykanskaj łahistyki na Blizkim Uschodzie.
U toj ža čas niekatoryja krainy, u tym liku Ispanija, Vialikabrytanija i Francyja, nie padtrymali ZŠA ŭ iranskaj kampanii, što vyklikała niezadavolenaść u Vašynhtonie. Asabliva krytykavałasia Ispanija, jakaja raniej navat admoviłasia pavialičyć abaronnyja vydatki da prapanavanaha ŭzroŭniu.
U Biełym domie adkryta zajavili pra rasčaravańnie sajuźnikami, padkreśliŭšy, što ZŠA čakajuć bolšaj padtrymki ŭ adkaz na ŭłasnyja abaviazacielstvy pa biaśpiecy. Sam Tramp paśla sustrečy z Markam Rute taksama krytyčna vykazaŭsia pra NATA, zajaviŭšy, što aljans nie zaŭsiody padtrymlivaje ZŠA ŭ patrebny momant. U svaju čarhu, pradstaŭniki amierykanskaj dypłamatyi adznačajuć, što pytańnie roli ZŠA ŭ NATA moža być pierahledžana.
Takier Karłsan vybačyŭsia za padtrymku Trampa
Kali adbuducca pieramovy ZŠA i Irana i ci adbuducca jany ŭvohule, stanovicca ŭsio mienš zrazumieła
Iran kančatkova admoviŭsia ad pieramoŭ z ZŠA. Tramp padoŭžyŭ spynieńnie ahniu ź Iranam i znajšoŭ dla taho apraŭdańnie
Estonskija palityki mocna raskrytykavali Zialenskaha: zapałochvajučy krainy Bałtyi, toj nie dabjecca pośpiechu
Praz kanflikt z Papam Tramp pačaŭ stračvać padtrymku vybarščykaŭ. U Vašynhtonie zahavaryli pra prymireńnie
Ciapier čytajuć
Kolkaść sudoŭ pa palityčnych kryminałkach źmienšyłasia ŭ razy12
Kamientary
Ale Paźniak heta ŭsio padtrymaŭ. Praŭda, uv etery Biełsatu chistka trymaŭsia pry adkazie na hetaje pytańnie, błytaŭsia, viadoŭca pierapytvaŭ, jak školnika , jaki nia vyvučyŭ pradmietu i kaža što papadzie ŭ hołaŭ