Pad Minskam budujuć ciaplicy pamieram u 8 futbolnych paloŭ
Kala vioski Tabary Minskaha rajona viadziecca budaŭnictva vialikaha sučasnaha ciapličnaha kompleksu płoščaj 7,2 hiektara. Heta prykładna adpaviadaje pamieru vaśmi z pałovaj futbolnych paloŭ, paviedamlaje RUP «Biełbudcentr».
Fota: RUP «Biełbudcentr»
Novy kompleks stvarajecca jak častka prahramy pa ŭmacavańni charčovaj biaśpieki krainy i źnižeńni zaležnaści ad impartnaj harodniny. Tut płanujuć kruhły hod vyroščvać pamidory, ahurki, zielaninu i inšuju pradukcyju.
Dla raboty kompleksu praduhledžanaja vialikaja infrastruktura: ahulnaja płošča škleńnia składzie bolš za 99 tysiač kvadratnych mietraŭ, dla sistemy aciapleńnia prakładuć kala 280 kiłamietraŭ trub, a praciahłaść kabielaŭ dla dadatkovaha aśviatleńnia dasiahnie 140 kiłamietraŭ. Elektrazabieśpiačeńnie buduć padtrymlivać dzieviać transfarmatarnych padstancyj.
Pieršuju čarhu budaŭnictva chočuć zaviaršyć užo ŭ najbližejšy čas. Adnačasova pačynajecca padrychtoŭka druhoj čarhi — jašče adnaho ciapličnaha kompleksu płoščaj bolš za 7 hiektaraŭ.
Paśla poŭnaha zapusku abodvuch abjektaŭ u Tabarach raźličvajuć atrymlivać da 3,5 tysiačy ton harodniny ŭ hod. Pieršy ŭradžaj pamidoraŭ płanujuć sabrać užo vosieńniu.
Apošnim časam ułady aktyŭna ŭkładajucca ŭ takija prajekty i navat uviali lhotnyja taryfy na elektraenierhiju dla ciaplic.
Čytajcie taksama:
U Hrodnie sabrali pieršy ŭradžaj bakłažanaŭ
U Minsku znosiać «Viosku navukoŭcaŭ». Na jaje miescy vyraście prestyžny ŽK