Ministerstva sielskaj haspadarki i charčavańnia vyniesła na hramadskaje abmierkavańnie novy zakonaprajekt ab sialanskich (fiermierskich) haspadarkach. Dakumient vyznačaje ich pravavy status, paradak stvareńnia, pracy, rearhanizacyi i likvidacyi, a taksama pravy i abaviazki zasnavalnikaŭ i členaŭ haspadarak, piša Myfin.by.
Prajekt zakona praduhledžvaje niekalki novych mahčymaściaŭ dla fiermieraŭ. U pryvatnaści, im chočuć dazvolić:
- udzielničać u farmiravańni dziaržaŭnych stabilizacyjnych fondaŭ pradukcyi;
- biaspłatna pieradavać niepradadzienuju sielskahaspadarčuju pradukcyju arhanizacyjam i ludziam jak sponsarskuju dapamohu;
- udzielničać u prajektach dziaržaŭna-pryvatnaha partniorstva;
- stvarać abjadnańni i chołdynhi biez utvareńnia asobnaj jurydyčnaj asoby.
Taksama płanujecca raspaŭsiudzić na fiermierskija haspadarki dziaržaŭnuju padtrymku, jakoj užo karystajucca sielskahaspadarčyja arhanizacyi.
Akramia taho, rajvykankamy zmohuć zaklučać ź fiermierami śpiecyjalnyja damovy ab raźvićci vytvorčaści sielhaspradukcyi. Miarkujecca, što heta dapamoža bolš efiektyŭna vykarystoŭvać ziamlu, pryciahvać haspadarki da inviestycyjnych i sacyjalnych prajektaŭ, a taksama da stvareńnia zapasaŭ bulby i aharodniny.
Hramadskaje abmierkavańnie zakonaprajekta budzie prachodzić z 8 da 18 maja na Pravavym forumie Biełarusi.
Łukašenku zakarcieła mieć pad Minskam jabłynievy sad
Jak dypłamavany juryst zavioŭ dojny statak i staŭ papularnym sielskim błohieram
Biełarusy kupili tur na pali ciulpanaŭ, a ŭbačyli tolki zielaninu
Michaił Huceryjeŭ źbirajecca pryjści ŭ biełaruskuju sielskuju haspadarku
Za palityku asudzili maładoha vałožynskaha fiermiera
Ciapier čytajuć
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie1
Kamientary
Pryvatnikam nie treba ni ŭ jakim razie źviazvacca z łukašysckimi dziaržustanovami i pradpryjemstvami. Nielha brać nijakija lhoty -- heta schiema kab u budučyni aštrafavać na miljony i ŭsio zabrać.