U akupavanym Krymie ŭdaram bieśpiłotnika zabiła piać rasijskich vajskoŭcaŭ
U noč na 6 maja vajskovyja abjekty i transpartny vuzieł u rajonie krymskaha Džankoja trapili pad masavanuju ataku bieśpiłotnikaŭ. Vynikam nalotu stali značnyja straty siarod rasijskich vajskoŭcaŭ, a taksama paškodžańnie darahoj techniki i čyhunačnaj infrastruktury, paviedamlaje kanał «Dośje špiona».
Asnoŭny ŭdar pryjšoŭsia pa stratehična važnaj čyhunačnaj stancyi «Džankoj», dzie pad ahoń trapili vajskoŭcy, supracoŭniki Rashvardyi i pamiežnaj słužby FSB. U vyniku vybuchaŭ zahinuli piać čałaviek, jašče piaciora paranienyja.
Na samaj stancyi źniščany łakamatyŭ i paškodžany šerah hruzavych vahonaŭ, što robić prablemy dla vajskovaj łahistyki ŭ rehijonie.
Akramia čyhunačnaha vuzła, ataka zakranuła i pazicyi supraćpavietranaj abarony. Paviedamlajecca pra traplańnie ŭ puskavuju ŭstanoŭku zienitna-rakietnaha kompleksu «S-400», choć maštab jaje paškodžańniaŭ nieviadomy.
Taksama byli raźbityja dva aŭtamabili mabilnych ahniavych hrup, jakija sprabavali adbić nalot. Zahinuŭ adzin bajec, paranieny dziesiać čałaviek.
Paviedamlajecca, što dla napadu vykarystoŭvalisia ŭdarnyja drony, abstalavanyja sistemami kiravańnia praz spadarožnikavuju suviaź «Starlink».
Ciapier čytajuć
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty24
Kamientary