«Jak i pa vynikach minułaha dnia, pa vynikach siońniašniaha Ukraina budzie dziejničać lusterkava. My budziem abaraniać našy pazicyi i žyćcio ludziej», — napisaŭ prezident Ukrainy.
Prezident Ukrainy Uładzimir Zialenski padkreślivaje, što z boku Rasii nie było navat imitacyjnaj sproby spynić ahoń. Pra heta kiraŭnik Ukrainy napisaŭ u svaim telehram-kanale.
«Na praciahu minułaj nočy rasijskaja armija praciahvała nanosić udary pa ŭkrainskich pazicyjach. Pa stanie na 7‑iu ranicy było zafiksavana ŭžo bolš za 140 abstrełaŭ pazicyj na froncie. Rasijanie praviali za hetuju noč 10 šturmavych dziejańniaŭ, i najbolš — na słavianskim kirunku», — padkreśliŭ Zialenski.
Taksama, pavodle słoŭ prezidenta, akupantami było naniesiena bolš za 850 udaraŭ dronami roznych typaŭ: FPV, «Łancet» i inšymi. Byli i ŭdarnyja drony. Nie spyniałasia i vykarystańnie raźviedvalnych dronaŭ u niebie pryfrantavych nasielenych punktaŭ.
«Usio heta vyrazna śviedčyć pra toje, što z rasijskaha boku navat imitacyjnaj sproby spynić ahoń na froncie nie było. Jak i pa vynikach minułaha dnia, pa vynikach siońniašniaha Ukraina budzie dziejničać lusterkava. My budziem abaraniać našy pazicyi i žyćcio ludziej. Rasija pavinna zaviaršyć svaju vajnu, i kožny realna heta zaŭvažyć, kali pačniecca ruch da miru», — zajaviŭ Zialenski.
U Pavietranych siłach Uzbrojenych sił Ukrainy paviedamili, što ŭ noč na 8 maja Rasija atakavała Ukrainu 67 dronami typu «Šachied», «Hierbiera», «Itałmas» i dronami-imitacyjami «Parodyja» z napramkaŭ: Kursk, Aroł, Bransk, Prymorska-Achtarsk, Milerava — RF, Hvardziejskaje — Krym.
Ciapier čytajuć
Staŭ viadomy prysud eks-pamočniku Łukašenki Iharu Bryło1
Kamientary
[Zredahavana]