Da novaha sankcyjnaha pakieta Jeŭrasajuza suprać Rasii i Biełarusi dałučylisia jašče 8 krain

Da sankcyj dałučylisia Ałbanija, Bośnija i Hiercahavina, Isłandyja, Lichtenštejn, Narviehija, Paŭnočnaja Makiedonija, Ukraina i Čarnahoryja. Usie jany pryvodziać svaju palityku ŭ adpaviednaść z rašeńniami ES adnosna Biełarusi, paviedamili ŭ Jeŭrapiejskaj radzie.

Zdymak ilustracyjny. Fota: vecteezy.com

Havorka idzie pra 20‑ty pakiet sankcyj, pryniaty ŭ kancy krasavika 2026 hoda. Adnačasova Jeŭrasajuz padoŭžyŭ dziejańnie abmiežavańniaŭ suprać Biełarusi jak minimum da kanca lutaha 2027 hoda.

U novym pakiecie sankcyj pad abmiežavańni trapiła Biełaruskaja naftavaja kampanija (BNK). U ES zajavili, što kampanija źviazanaja ź biełaruskimi ŭładami, bo jaje kiraŭnictva pryznačajecca Alaksandram Łukašenkam.

Taksama sankcyi ŭviali suprać kampanii «Vołat-Sańczian», jakaja vypuskaje kołavyja šasi dla vajskovaj techniki, u tym liku dla reaktyŭnych sistem załpavaha ahniu. Pad abmiežavańni trapiła i kitajskaja kampanija China Space Sanjiang Group, jakaja supracoŭničaje ź biełaruskim vajskova-pramysłovym kompleksam.

Asobny punkt sankcyj tyčycca biełaruskaha ličbavaha rubla. Jeŭrasajuz zabaraniŭ svaim hramadzianam i kampanijam pravodzić apieracyi z hetaj sistemaj, navat niahledziačy na toje, što jana jašče nie była poŭnaściu zapuščanaja.

Ciapier jeŭrapiejskim arhanizacyjam, biźniesu i fizičnym asobam zabaroniena ŭzajemadziejničać z płatformami i strukturami, źviazanymi z raźlikami ŭ biełaruskim ličbavym rubli.

Kamientary da artykuła