U sankcyjny śpis ES uklučyli Biełaruskuju naftavuju kampaniju i «Vołat-Sanczian»
Jak vynikaje ź infarmacyi, apublikavanaj u aficyjnym časopisie ES, u pryniaty 23 krasavika 20‑ty pakiet sankcyj Jeŭrasajuza suprać Rasii trapili kampanii, źviazanyja z vajskova-pramysłovym kompleksam Biełarusi.
U sankcyjny śpis siarod inšych uvajšli źviazanyja z režymam Alaksandra Łukašenki ZAT «Biełaruskaja naftavaja kampanija» (BNK) i sumiesnaje tavarystva z abmiežavanaj adkaznaściu «Vołat-Sanczian».
Upieršyniu ŭ miežach abmiežavańniaŭ u dačynieńni da biełaruskaha režymu pad sankcyi trapiła kitajskaja dziaržaŭnaja kampanija, źviazanaja z vytvorčaściu biełaruskaj vajskovaj pradukcyi — China Space Sanjiang Group.
«China Space Sanjiang Group źjaŭlajecca suzasnavalnikam STAA «Vołat-Sanczian» i adnym z dvuch asnoŭnych partnioraŭ hetaha sumiesnaha pradpryjemstva. STAA «Vołat-Sanczian» vyrablaje kołavyja šasi dla vajskovaj techniki, uklučajučy reaktyŭnyja sistemy załpavaha ahniu, jakija vypuskajucca MZKC. Takim čynam, China Space Sanjiang Group padtrymlivaje vajskova-pramysłovy kompleks Biełarusi, udzielničajučy ŭ raspracoŭcy i vytvorčaści vajskovych technałohij i abstalavańnia», — tak abhruntoŭvajucca jeŭrapiejskija sankcyi suprać hetaj kampanii.
20‑ty pakiet taksama ŭklučaje sankcyi, raniej pryniatyja suprać Rasii, u pryvatnaści handlovyja miery, miery pravavoj abarony, abmiežavańni ŭ dačynieńni da kryptavalut, a taksama abmiežavańni na akazańnie pasłuh u śfiery kibierbiaśpieki i turyzmu.
U ES kančatkova ŭchvalili kredyt dla Ukrainy i sankcyi suprać Rasii
Pasły ES zaćvierdzili kredyt Ukrainie na 90 miljardaŭ jeŭra i 20‑y pakiet sankcyj suprać Rasii
Zialenski asudziŭ rašeńnie ZŠA padoŭžyć pasłableńnie sankcyj suprać Rasii
U Jeŭropie enierhietyčny kryzis. Ci budzie jana znoŭ kuplać naftu i haz u Rasii?
Łukašenka: Jakija b sa mnoj pieramovy ni vioŭ Zachad, ja cudoŭna razumieju, što nie ich sukin syn
Kamientary
«Vołat-Ford» - Tak