Pad Viciebskam viaskoŭcy žorstka katavali niamieckuju aŭčarku
U Viciebskim rajonie raspačali kryminalnuju spravu za žorstkaje abychodžańnie z žyviołaj. Incydent adbyŭsia ŭ krasaviku ŭ vioscy Pabiadzinščyna, paviedamiŭ Śledčy kamitet.
Zdymak ilustracyjny. Fota: magnific.com
Pa materyjałach śledstva, 53‑hadovaja žančyna i jaje 67‑hadovy susied, znachodziačysia ŭ stanie ałkaholnaha apjanieńnia, žorstka źbivali niamieckuju aŭčarku. Žyviolinu trymali na buksirovačnym trosie i nanosili ŭdary kuvałdaj.
Na mocny visk sabaki prybiehli susiedzi. Paśla hetaha ahresary spynili ździeki, ale paźniej zaciahnuli aŭčarku ŭ chleŭ i padviesili za šyju na trosie, paśla čaho praciahnuli pić ałkaholnyja napoi.
Miascovyja žychary vyzvalili sabaku i vyklikali milicyju. Ekśpiertyza paćvierdziła, što žyviolina atrymała ciažkija traŭmy.
Žančyna zajaviła, što sabaka nibyta zadušyŭ kurej. U dačynieńni da abodvuch padazravanych raspačali kryminalnuju spravu za žorstkaje abychodžańnie z žyviołaj, učynienaje hrupaj asob. Im pahražaje da čatyroch hadoŭ abmiežavańnia abo pazbaŭleńnia voli.
Paciarpiełuju aŭčarku zabrała da siabie susiedka. Ciapier žyviolinie akazvajuć nieabchodnuju miedycynskuju dapamohu.
Čytajcie taksama:
Na miažy Biełarusi ź Litvoj słužyć valfchund
«Nie paznała svajo dzicia». U Homieli biazdomnyja sabaki pakusali 11‑hadovuju dziaŭčynku