U Biełarusi sioleta praviaduć vučeńni ŠAS
U Biełarusi ŭ 2026 hodzie płanujecca praviadzieńnie maštabnych antyterarystyčnych vučeńniaŭ z udziełam vajskovych i siłavych struktur kala dziesiaci krain, jakija ŭvachodziać u Šanchajskuju arhanizacyju supracoŭnictva (ŠAS), paviedamiła rasijskaje ahienctva TASS.
Zdymak ilustracyjny. Fota: Belarusian Defense Ministry via VoenTV via AP
Pra praviadzieńnia vučeńniaŭ paviedamiŭ sakratar Rady biaśpieki Kyrhyzstana Adzilet Araźbiekaŭ padčas pasiadžeńnia ŭ Biškieku. Pavodle jaho słoŭ, krainy-ŭdzielnicy paćvierdzili hatoŭnaść uzmacniać supracoŭnictva ŭ śfiery biaśpieki i sumiesna supraćdziejničać ekstremizmu i teraryzmu.
U vučeńniach, jak čakajecca, voźmuć udzieł Biełaruś, Rasija, Kitaj, Indyja, Iran, Kazachstan, Kyrhyzstan, Pakistan, Tadžykistan i Uźbiekistan.
Padčas manieŭraŭ buduć adpracoŭvacca sumiesnyja dziejańni ŭ kryzisnych situacyjach i kaardynacyja pamiž armijami roznych krain. Takija vučeńni rehularna pravodziacca ŭ miežach ŠAS dla abmienu dośviedam i pavyšeńnia ŭzajemadziejańnia.
Dakładnyja daty i miesca praviadzieńnia pakul nie nazyvajucca.