Pieramirje pamiž Izrailem i Livanam padoŭžyli na 45 dzion
Dziaržaŭny departamient ZŠA zajaviŭ pra padaŭžeńnie pieramirja Livana i Izraila jašče na 45 dzion. Pavodle słoŭ pradstaŭnika Dziarždepa Tomi Pihata, baki pryniali takoje rašeńnie na pieramovach u ZŠA 14 i 15 maja.
Paśla adnaho z udaraŭ Izraila pa stalicy Livana Biejrucie. Fota: AP Photo/Bilal Hussein
Nastupny raŭnd pieramoŭ pamiž krainami projdzie 2 i 3 červienia.
«My spadziajemsia, što hetyja dyskusii buduć spryjać ustalavańniu tryvałaha miru pamiž dźviuma krainami, poŭnamu pryznańniu suvierenitetu i terytaryjalnaj cełasnaści adna adnoj, a taksama harantavańniu sapraŭdnaj biaśpieki ŭzdoŭž ich ahulnaj miažy»,— napisaŭ u Ch Tomi Pihat.
Papiaredniaje pieramirje pamiž Livanam i Izrailem dziejničała z 17 krasavika. Praŭda, vajennyja dziejańni ŭsio adno de fakta praciahvalisia. Livanskaja armija ŭ kanflikcie ŭdziełu nie brała, a suprać Izraila vystupała šyickaja hrupoŭka «Chiezbała», jakaja nie ŭdzielničała ŭ mirnych pieramovach.
Čytajcie taksama:
Tramp paviedamiŭ, što zabaraniŭ Izrailu bić pa Livanie
Tramp pastaviŭ Izrail u prykład inšym sajuźnikam
Izrailskich vajskoŭcaŭ pakarali za vandalizm u dačynieńni statui Isusa Chrysta