Armija Izraila naniesła novyja ŭdary pa poŭdni Livana, atakujučy bolš za 85 abjektaŭ, źviazanych z rucham «Chiezbała». Pavodle izrailskaha boku, celami stali składy zbroi i rakietnyja ŭstanoŭki.
Pavodle paviedamleńniaŭ ŚMI, udary nanosilisia pa vakolicach horada Nabatyja, a taksama pa niekalkich inšych nasielenych punktach na poŭdni krainy. Akramia avijacyi, vykarystoŭvalisia i bieśpiłotniki.
Niahledziačy na toje, što pamiž Livanam i Izrailem z 17 krasavika dziejničaje pieramirje, bai praciahvajucca. Livanskaja armija ŭ kanflikcie ŭdziełu nie biare, a suprać Izraila vystupaje hrupoŭka «Chiezbała», jakaja nie ŭdzielničała ŭ mirnych pieramovach.
U adkaz «Chiezbała» vypuściła niekalki rakiet pa izrailskich pazicyjach. Pra achviary abo paciarpiełych nie paviedamlałasia. Pradstaŭniki ruchu zajavili, što heta byŭ adkaz na parušeńnie režymu spynieńnia ahniu.
8 maja Izrail taksama nanosiŭ udary pa poŭdni Livana. Pavodle livanskich dziaržaŭnych miedyja, za apošnija sutki ŭ vyniku atak zahinuli 14 čałaviek, jašče niekalki atrymali ranieńni. Siarod zahinułych byŭ supracoŭnik hramadzianskaj abarony, čyj aŭtamabil atakavaŭ izrailski bieśpiłotnik.
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»6
Kamientary