Kiraŭnik BPC Vienijamin sustreŭsia z prapaviednikam Hremam, na sustrečy prysutničaŭ siektaznaŭca
Prezidenta Jevanhielskaj asacyjacyi Bili Hrema Franklina Hrema zaprasili ŭ Minskaje jeparchijalnaje ŭpraŭleńnie. Razam ź im taksama prybyŭ vice-prezident asacyjacyi Viktar Ham.
Fota: BPC
Na sajcie BPC padkreślivajecca, što ŭdzielniki sustrečy asudzili prazielityzm — sproby naviartańnia ludziej u svaju vieru, pahavaryli pra ŭmacavańnie mižkanfiesijnaj zhody ŭ Biełarusi, a taksama vykazali nadzieju na zaviaršeńnie vajennych kanfliktaŭ, ustalavańnie miru i adnaŭleńnie dobrasusiedskich adnosin pamiž krainami i narodami.
Na sajcie BPC adznačajecca, što z pačatku 1990‑ch hadoŭ siamja Hremaŭ padtrymlivała dobryja adnosiny ź Biełaruskaj pravasłaŭnaj carkvoj u asobie mitrapalita Fiłareta.
Pry hetym na sustrečy prysutničaŭ Uładzimir Marcinovič — biełaruski teołah, daśledčyk siekt i novych relihijnych ruchaŭ, zaŭvažyła «Chryścijanskaja vizija».
Siońnia ŭ «Čyžoŭka-arenie» a 17‑j startuje pratestancki «Fiestyval nadziei, na jakim budzie prysutničać Franklin Hrem, jaki ŭčora sustrakaŭsia z Łukašenkam.
Čytajcie taksama:
Łukašenka sustreŭsia z pratestanckim pastaram Franklinam Hremam