Sustreča prachodzić u Pałacy Niezaležnaści.
Alaksandr Łukašenka pravioŭ sustreču z kiraŭnikom Jevanhielisckaj asacyjacyi Bili Hrema Franklinam Hremam, paviedamlaje Puł pieršaha.
«Dziakuj, što vy znajšli čas, niahledziačy na takija adlehłaści, pryjechać da nas i abmierkavać pytańni nie tolki mižkanfiesijnych našych znosin, ale i pytańni miždziaržaŭnych adnosin. Spadar Hrem, vy krychu viedajecie pra Biełaruś, vy byvali tut. Vy byvali nieadnojčy ŭ Rasii. Tamu viedajecie, u jakim kirunku raźvivajecca abstanoŭka, situacyja», — skazaŭ Łukašenka.
Jon paprasiŭ Hrema pieradać Donaldu Trampu «samyja dobryja pažadańni». «I skažycie jamu, što ŭ Biełarusi ŭ jaho nadziejnyja siabry i prychilniki».
Zaznačacca, što Franklin Hrem budzie ŭdzielničać u šerahu mierapryjemstvaŭ. 16‑17 maja ŭ «Čyžoŭcy-arenie» pavinien adbycca šmattysiačny «Fiestyval nadziei».
Kamientary
Finansavańniem čahości dziaržaŭnaha abo siamiejnaha łukašenkaŭskaha, łabiravańniem źniacca sankcyj?