«Zaŭtra ja paprašu ŭsich prysutnych ustać i ŭźnieści malitvu za vas jak za lidara», — skazaŭ jon.
Kiraŭnik Jevanhielisckaj asacyjacyi Bili Hrema Franklin Hrem paabiacaŭ zaŭtra pamalicca za Alaksandra Łukašenku.
Jak paviedamlaje pres-słužba Łukašenki, padčas sustrečy ź im Hrem adznačyŭ, što pryniata ŭznosić malitvy za lidaraŭ krain. Tamu jon paabiacaŭ, što pamolicca za jaho.
«Tamu zaŭtra ja paprašu ŭsich prysutnych ustać i ŭźnieści malitvu za vas jak za lidara», — skazaŭ jon.
Hrem pryjechaŭ u Biełaruś na bujny pratestancki fiestyval «Fiestyval nadziei», jaki projdzie 17‑18 maja ŭ «Čyžoŭka-arenie».
Prapaviednik taksama adznačyŭ padčas sustrečy, što jon pryjechaŭ u Minsk z pasłańniem.
«Vialiki dziakuj. Dla mianie vialiki honar sustrecca siońnia z vami. My pryjechali, kab danieści naša pasłańnie ŭsim biełarusam, i hetaje pasłańnie — ad Hospada Boha. Niavažna, da jakoj viery my naležym — pratestanckaj, pravasłaŭnaj ci katalickaj, — my ŭsie tut roŭnyja. I my ŭsie zhodnyja z hetymi padychodami», — skazaŭ jon.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie7
Kamientary
Za hrošy hatovy malicca za luboha ludajeda ! Hańba !!!