Dzie dron, pakul nieviadoma.
Pra mahčymy bieśpiłotnik, jaki lacieŭ u bok Litvy, paviedamiła Biełaruś, zajaviŭ kamandujučy Suchaputnymi vojskami Litoŭskaj armii bryhadny hienierał Niaryjus Stankiavičus, paviedamlaje LRT.
«Ranicaj my atrymali paviedamleńnie ad biełaruskich uzbrojenych sił pra mahčymy ruch dronaŭ u bok terytoryi Litvy. Anałahičnuju infarmacyju atrymali i našy susiedzi łatvijcy», — skazaŭ Stankiavičus žurnalistam u sieradu.
«Na hety momant my nie možam skazać, dzie znachodzicca hety latalny aparat — ci ŭpaŭ jon, ci prosta pakinuŭ pavietranuju prastoru Litvy. Pošuki praciahvajucca z dapamohaj viertalota Vajenna-pavietranych sił i naziemnych sił. Kali apieracyja budzie paśpiachovaj i my znojdziem abo abłomki, abo sam upały aparat, my paviedamim», — dadaŭ jon.
U Minsku pamior adzin z samych viadomych zabojcaŭ Rasii. Jon žyŭ pad čužym imieniem i staŭ piśmieńnikam-fantastam5
Kamientary