Franklin Hrem sustreŭsia z dypłamatami ŭ Vilni
Amierykanski prapaviednik Franklin Hrem, jaki na minułyja vychadnyja vystupaŭ na «Fiestyvali nadziei» ŭ Minsku, sustreŭsia z amierykanskimi dypłamatami ŭ Litvie, u tym liku z časovym pavieranym u spravach ZŠA ŭ Biełarusi Majkłam Krajdleram.
Fota: x.com/Franklin_Graham
Pavodle paviedamleńnia Hrema ŭ sacyjalnaj sietcy X, na sustrečy taksama prysutničali pasoł ZŠA ŭ Litvie Kara MakDonald i žurnalistka Hreta van Susteren — žonka śpiecpasłańnika ZŠA pa Biełarusi Džona Koŭła.
Hrem adznačyŭ, što sustreča adbyłasia na hetym tydni i była častkaj jaho kantaktaŭ z pradstaŭnikami amierykanskaj dypłamatyi ŭ rehijonie.
U kancy minułaha tydnia jon naviedvaŭ Biełaruś, dzie sustrakaŭsia z Alaksandram Łukašenkam, pradstaŭnikami Biełaruskaj pravasłaŭnaj carkvy, a taksama ŭdzielničaŭ u maštabnym pratestanckim «Fiestyvali nadziei» na «Čyžoŭka-arenie» ŭ Minsku.
Čytajcie taksama:
Prapaviednika Franklina Hrema zvadzili ŭ Mak.baj
Pastar Hrem na «Čyžoŭka-arenie» paprasiŭ malicca za Łukašenku i Pucina. A sam maliŭsia za Trampa
Kiraŭnik BPC Vienijamin sustreŭsia z prapaviednikam Hremam, na sustrečy prysutničaŭ siektaznaŭca
Što moža adbycca na pratestanckim «Fiestyvali nadziei», na jaki pryjedzie prapaviednik z ZŠA