Na biełaruskim palihonie adpracavali prymianieńnie jadziernaj zbroi
U ramkach vučeńniaŭ, pryśviečanych prymianieńniu i zabieśpiačeńniu jadziernaj zbroi, adno z rakietnych padraździaleńniaŭ Biełarusi zaniało zahadzia pryznačany rajon i adpracavała dziejańni pa jaho achovie, abaronie i zabieśpiačeńni, paviedamiła Ministerstva abarony.
Skrynšot ź videa
Pavodle paviedamleńnia, raźliki praviali padrychtoŭku da atrymańnia «śpiecyjalnych bojeprypasaŭ» dla apieratyŭna-taktyčnaha kompleksu «Iskander-M» i ich zahruzki na nośbity. Paśla hetaha rakiety byli pieramieščanyja ŭ inšy rajon z zachavańniem maskavańnia, dzie padraździaleńnie imitavała rakietnyja puski pa ŭmoŭnych celach.
Taksama ŭ vučeńniach udzielničała avijacyja: ekipažy praviali vučebna-bajavyja vylety, adpracavali ŭmoŭnaje prymianieńnie avijacyjnych srodkaŭ źniščeńnia i viarnulisia na bazy paśla vykanańnia zadač.
Z rasijskaha boku ŭ ramkach sumiesnych vučeńniaŭ adpracoŭvalisia dziejańni pa pryviadzieńni čaściej, źviazanych ź jadziernaj zbrojaj, u najvyšejšuju stupień bajavoj hatoŭnaści.
Čytajcie taksama:
Vučeńni stratehičnych jadziernych sił, što pačała Rasija, — najbujniejšyja ŭ historyi
Statkievič: Jadziernaja treniroŭka ŭ Biełarusi — heta pahroza, najpierš, Jeŭropie
Rasija pačała jadziernyja vučeńni
Biełaruskaja i rasijskaja armii na biełaruskaj terytoryi trenirujucca nanosić jadzierny ŭdar