Zachistałasia kresła pad ministram architektury i budaŭnictva

Premjer-ministr Biełarusi Alaksandr Turčyn 21 maja pravioŭ naradu, pryśviečanuju prablemam u budaŭničaj halinie, i žorstka raskrytykavaŭ vyniki pracy ŭ rehijonach, paviedamlaje pres-słužba ŭrada.

Alaksandr Studnieŭ. Fota: BiełTA

Na sustreču vyklikali pradstaŭnikoŭ profilnych viedamstvaŭ i miascovych uładaŭ, u tym liku kiraŭnictva abłaściej i Minharvykankama. Padčas narady abmiarkoŭvali tempy budaŭnictva, vykanańnie dziaržaŭnych prahram i vykarystańnie biudžetnych srodkaŭ. Akazałasia, što za pieršyja miesiacy 2026 hoda ŭ šerahu rehijonaŭ istotnaha prahresu niama.

Asobnuju ŭvahu premjer źviarnuŭ na pracu čynoŭnikaŭ, adkaznych za budaŭničuju śfieru, u tym liku ministra architektury i budaŭnictva Alaksandra Studnieva.

Jon zapatrabavaŭ chutka vypravić situacyju i papiaredziŭ, što kali pa vynikach piaci miesiacaŭ hetaha hoda nie budzie palapšeńniaŭ, to mahčymyja i kadravyja rašeńni — faktyčna havorka idzie pra mahčymyja zvalnieńni, u tym liku na ŭzroŭni ministra.

Alaksandr Studnieŭ zajmaje svaju pasadu nie vielmi doŭha — jon byŭ pryznačany ministram u sakaviku 2025 hoda.

Ułady ciapier robiać akcent na paskareńni ŭvodu žylla i vykanańni dziaržaŭnych budaŭničych płanaŭ. Na 2026 hod pastaŭlena zadača ŭźvieści kala 4 miljonaŭ kvadratnych mietraŭ žylla. Heta mienš, čym letaś, kali pabudavali kala 4,4 miljona «kvadrataŭ».

Asnoŭnyja prablemy nazirajucca ŭ rehijonach, dzie časta zryvajucca terminy budaŭnictva i zatrymlivajecca asvajeńnie finansavańnia. U suviazi z hetym situacyju ŭziali pad žorstki kantrol na ŭzroŭni ŭrada.

Kamientary da artykuła