U Minsku pieradumali znosić chruščoŭki. Renavacyja zakranie dvuch-trochpaviarchovyja damy
U Minsku zaraz vybirajuć terytoryi, dzie moža prajści renavacyja. Jak vyhladaje, masavaha znosu chruščovak, pra jaki havaryli raniej, usio ž nie płanujecca, paviedamlajuć «Minsk-Naviny».
Staršynia kamiteta architektury Minharvykankama Viktar Hućko adznačyŭ, što ahulny stan žyłych damoŭ u stalicy vielmi dobry, bo ŭ mnohich budynkach svoječasova zrabili kapramont i ŭciapleńnie.
Praz heta masavaha znosu žytła, u tym liku «chruščovak», pakul nie płanujecca — jany zastajucca ŭ hrafikach zvyčajnaha absłuhoŭvańnia. Pad renavacyju mohuć trapić chiba što adzinkavyja dvuch— ci trochpaviarchovyja damy.
Asnoŭny ž upor haradskija ŭłady robiać na byłyja pramysłovyja zony. Terytoryi zavodaŭ, jakija bolš nie pracujuć, chočuć pierarabić pad patreby horada. Hetyja placoŭki płanujuć prapanoŭvać biznesu, kab pryciahnuć u Minsk novyja inviestycyi i dać ziemlam, jakija nie vykarystoŭvajucca, druhoje žyćcio.
Raniej ministr architektury i budaŭnictva Alaksandr Studnieŭ nazyvaŭ ličby adnosna stanu «chruščovak» u krainie. Pa jaho słovach, u Biełarusi naličvajecca bolš za dźvie z pałovaj tysiačy takich damoŭ, bolšaść ź jakich — panelnyja. Tolki ŭ Minsku znachodzicca kala 900 panelnych budynkaŭ, uźviedzienych pamiž 1955 i 1975 hadami. Termin ich słužby, jaki pa normach składaje 25 hadoŭ, užo daŭno skončyŭsia.
Mienavita tamu pytańnie abnaŭleńnia žyłoha fondu stała adnoj z klučavych zadač dziaržaŭnaj prahramy budaŭnictva na 2026—2030 hady.
U Minsku amal tysiača chruščovak — imi chutka zojmucca
Kvatery ŭ Minsku stali čaściej kuplać zamiežniki. A staroje žyllo biez ramontu nie cikavaje navat inšaharodnim
Adnapakajoŭki ŭ Minsku praktyčna dahnali pa canie dvuchpakajoŭki
U Minsku skłali rejtynh samych darahich i tannych vulic. Roźnica ŭ canie značnaja
U Minsku buduć zachoŭvać małapaviarchovuju zabudovu i pracavać nad jaje renavacyjaj
Renavacyja nie pa-rasijsku: chruščoŭki ŭ Minsku znosić nie płanujuć
Kamientary