Daŭhabud MAZa ŭ Minsku pieratvarajuć u archiŭ ź pieradavymi technałohijami
U Minsku za handlovym centram «MOMA» praciahvajecca budaŭnictva novaha kompleksu dziaržaŭnaha archiva. Asablivaść prajekta ŭ tym, što pad archiŭ pierabudoŭvajuć viadomy haradski daŭhabud, jaki pieršapačatkova ŭzvodzili dla MAZa, piša Office Life.
Kompleks składajecca z troch błokaŭ. Ciapier na abjekcie viaducca fasadnyja, dachavyja i ŭnutranyja raboty. U budynku stvorać śpiecyjalnyja klimatyčnyja zony, kab zabiaśpiečyć naležnaje zachoŭvańnie dakumientaŭ. Taksama tam źjaviacca pamiaškańni dla aklimatyzacyi, ačystki ad pyłu i restaŭracyi papiarovych archivaŭ.
Akramia archiŭnych schoviščaŭ, na pieršym paviersie płanujuć adkryć vystavačnuju i kanfierenc-zału. U novy kompleks pierajeduć Centr elektronnaha dakumientaabarotu i Biełaruski navukova-daśledčy instytut dakumientaznaŭstva i archiŭnaj spravy. Prajekt razhladajuć jak bazu dla raźvićcia ličbavych technałohij u archiŭnaj śfiery.
Padčas budaŭnictva rabočyja zdoleli zachavać stary jabłynievy sad, jaki raście prosta na terytoryi placoŭki.
Historyja hetaha daŭhabudu pačałasia jašče ŭ 2008 hodzie. Tady na skryžavańni Partyzanskaha praśpiekta i vulicy Mašynabudaŭnikoŭ pačali budavać administracyjny korpus dla Minskaha aŭtamabilnaha zavoda. Praź niekalki hadoŭ z-za niedachopu finansavańnia raboty spynili, a ŭ 2014 hodzie abjekt zakansiervavali. U 2023 hodzie budynak pieradali horadu dla dalejšaj rekanstrukcyi.
U Dziaržynsku pradajuć Dom handlu amal za 5 miljonaŭ dalaraŭ
Ramont Čyrvonaha kaścioła ŭ Minsku znoŭ prypyniaŭsia
Vulicu Mielnikajcie ŭ Minsku pierakryjuć na dva hady: treba dastać «Alesiu» i «Maryju»
Pieršaja čarha kalcavoj linii minskaha mietrapalitena dojdzie tolki da Viaśnianki
U Śviacku pad Hrodnam adkryli rekanstrujavanyja zały ŭ miascovym pałacy. Na adkryćcio pryvieźli kiraŭnicu rasijskaha Centrabanka
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie27
Kamientary