U Dziaržynskim rajonie dyrektarka škoły pajšła pad sud za pracaŭładkavańnie svajački

U Dziaržynskim rajonie dyrektarka škoły fiktyŭna pracaŭładkavała svaju niaviestku, za što na abiedźviuch zaviali kryminalnuju spravu.

Fota: LookByMedia

Pavodle źviestak prakuratury, dyrektarka škoły aformiła fiktyŭny zahad ab pryniaćci niaviestki na pracu na 0,25 staŭki. U dakumientach žančyna značyłasia jak sakratarka vučebnaj častki i apieratarka EVM, adnak faktyčna hetyja abaviazki jana nie vykonvała.

Kab schiema vyhladała zakonnaj, dyrektar zahadvała padnačalenym unosić u tabieli ŭliku pracoŭnaha času falšyvyja źviestki pra nibyta adpracavanyja hadziny. Hetyja dakumienty jana sama ž i zaćviardžała.

U vyniku, jak vyśvietliła śledstva, za pieryjad sa studzienia pa krasavik 2026 hoda svajačcy dyrektarki niezakonna vypłacili bolš za dźvie tysiačy rubloŭ. Hrošy, vypłačanyja za «pracu», jakoj nasamreč nie było, udzielniki schiemy, jak śćviardžajecca, vykarystoŭvali na ŭłasnyja patreby.

Suprać abiedźviuch žančyn zaviali kryminalnuju spravu. Im inkryminujecca machlarstva i prysvajeńnie srodkaŭ z vykarystańniem słužbovych paŭnamoctvaŭ, ździejśnienaje pa papiaredniaj zmovie hrupaj asob.

Kamientary da artykuła