49‑hadovaja žycharka Bychava siem hadoŭ brała hrošy z kasy banka, dzie jana pracavała, i nie viartała. Ahulnaja suma škody skłała bolš za 81 tysiaču rubloŭ.
Jak paviedamili ŭ prakuratury, žančyna pracavała śpiecyjalistam pa roźničnych bankaŭskich pasłuhach i była materyjalna adkaznaj asobaj. Ź vieraśnia 2018 hoda pa červień 2025‑ha jana sistematyčna zabirała z kasy hrošy, pryznačanyja dla raźlikaŭ z klijentami.
Pavodle śledstva, srodki išli na štodzionnyja vydatki: pradukty, kamunalnyja pasłuhi, pajezdki na taksi, a taksama dla dziaciej. Spačatku žančyna sprabavała viartać hrošy, ale kali suma pieravysiła jaje zarobak, rabić heta stała niemahčyma.
Doŭhi čas udavałasia chavać niedastaču, u tym liku tamu, što jana ŭvachodziła ŭ revizijnuju kamisiju banka. Akramia taho, dla maskiroŭki kradziažoŭ pravodzilisia fiktyŭnyja apieracyi z zamiežnaj valutaj.
Sud pryznačyŭ joj čatyry hady kałonii. Prysud pakul nie ŭstupiŭ u zakonnuju siłu i moža być abskardžany.
Ciapier čytajuć
Daišnik, jakoha źbiŭ mašynaj piensijanier pad Minskam, pamior u balnicy. Jamu zładzili pyšnaje pachavańnie18
Kamientary
- on piervyj načał...