Premjeram Słavienii staŭ nacyjanalist i prychilnik Trampa
Parłamient Słavienii pryznačyŭ novym premjer-ministram krainy lidara pravaj Słavienskaj demakratyčnaj partyi Janieza Janšu, piša «Jeŭrapiejskaja praŭda».
Janiez Janša. Fota: AP Photo/Igor Kupljenik
Za kandydaturu Janieza Janšy prahałasavaŭ 51 deputat z 90, jašče 36 vystupili suprać. Paśla hetaha Janša atrymaŭ 15 dzion, kab pradstavić skład svajho ŭrada.
Hetaje pryznačeńnie faktyčna zaviaršyła palityčny kryzis u krainie, jaki ŭźnik paśla parłamienckich vybaraŭ u sakaviku. Tady pieramohu ź nievialikim adryvam atrymaŭ libieralny ruch byłoha premjera Robierta Hołaba, ale jamu nie ŭdałosia sfarmavać kaalicyju i atrymać bolšaść u parłamiencie. U vyniku jon pryznaŭ parazu i pierajšoŭ u apazicyju.
Dla Janieza Janšy heta ŭžo čaćviorty termin na pasadzie kiraŭnika ŭrada. Raniej jon uznačalvaŭ krainu ŭ 2004—2008, 2012—2013 i 2020—2022 hadach.
Janša viadomy jak nacyjanalistyčny palityk, raniej jon nieadnarazova vykazvaŭ padtrymku prezidentu ZŠA Donaldu Trampu.
Čytajcie taksama:
Śpikier parłamienta Słavienii paabiacaŭ refierendum ab vychadzie krainy z NATA
U Słavienii prarasijskaha palityka abrali śpikieram parłamienta
Tajamničaja i ŭpłyvovaja Miełanija. Novy padychod žonki prezidenta Trampa da roli pieršaj łedzi