Sietka kramaŭ «Dabranom» zapuściła svaje aŭtałaŭki. Pakul jany pracujuć tolki ŭ adnym rajonie Viciebskaj vobłaści, adnak u budučyni kampanija nie vyklučaje pašyreńnia ŭ inšyja rehijony krainy, paviedamili ŭ telehram-kanale Viciebskaha abłvykankama.
Pieršyja čyrvonyja hruzaviki z brendam «Dabranom» užo vyjšli na maršruty.
Novyja aŭtałaŭki absłuhoŭvajuć šeść maršrutaŭ u Tałačynskim rajonie, achoplivajučy 93 vioski z bolš čym 3 tysiačami žycharoŭ. Mašyny buduć jeździć dva razy na tydzień.
Dakładnyja maršruty raźmieściać na sajcie Tałačynskaha rajvykankama, a asartymient tavaraŭ budzie taki ž, jak u nievialikich stacyjanarnych kramach sietki. Pry hetym ceny abiacajuć zrabić dastupnymi, niahledziačy na dadatkovyja łahistyčnyja i apieracyjnyja vydatki.
Apłacić pakupki možna budzie jak najaŭnymi, tak i kartkami. Žycharam viosak taksama prapanujuć mahčymaść zahadzia zakazvać peŭnyja tavary — ad astudžanaha miasa peŭnaha pamieru da śviežych harodniny i navat tortaŭ.
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ5
Kamientary