U vioskach mohuć źjavicca kramy-kanstruktary. Voś jak jany vyhladajuć
Zdajecca, «Jeŭrahandal» znajšoŭ sposab adkryvać kramy ŭ vioskach litaralna za ličanyja dni. Realizujecca heta z dapamohaj modulnaha paviljona, jaki vyrablajuć na zavodzie, pryvoziać na miesca i źbirajuć jak kanstruktar. Na prezientacyi žurnalistam pakazali piłotny varyjant takoj kramy, piša Onliner.by.
Paviljon vyrablajuć u Minskim rehijonie, a sam jaho vyrab zajmaje kala miesiaca. Na miescy jaho źbirajuć z modulaŭ — mantaž doŭžycca prykładna sutki, jašče niekalki dzion sychodzić na padklučeńnie elektryčnaści i kamunikacyj.
Fundamient nie patrabujecca — kanstrukcyju možna pastavić na asfalt, piasčanuju placoŭku abo hrunt. Pry nieabchodnaści paviljon možna demantavać i pieravieźci ŭ inšaje miesca.
Ahulnaja płošča paviljona — 50,9 kvadratnaha mietra. Ź ich 36,2 «kvadrata» zajmaje handlovaja zała, astatniaje — padsobnyja pamiaškańni.
Novy farmat, pa sutnaści, pavinien zamianić aŭtałaŭku tam, dzie popyt staŭ pastajannym. Pry nieabchodnaści paviljon možna demantavać i pieravieźci ŭ inšaje miesca.
Taksama padčas prezientacyi pakazali aŭtałaŭku.
Pa słovach pradstaŭnikoŭ sietki, u vioskach časta prosiać cukar i droždžy, zakazvajuć liviernuju kaŭbasu dla katoŭ. A žančyny, jakija pierajechali za horad «na lecišča», abjadnoŭvajucca i robiać kalektyŭnyja zakazy — naprykład, na morapradukty.
Pa stanie na kaniec 2025 hoda «Jeŭrahandal» kiravaŭ 1153 kramami pa ŭsioj krainie, a ŭ sielskaj miascovaści pracujuć 222 kramy i 52 aŭtałaŭki.
Ciapier čytajuć
Kaleśnikava: U 2020‑m ja zmahałasia nie suprać Łukašenki, a za ludziej, svabodu i svabodnyja vybary33
Kaleśnikava: U 2020‑m ja zmahałasia nie suprać Łukašenki, a za ludziej, svabodu i svabodnyja vybary
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary