Piersanalnyja źviestki klijentaŭ «Doda Picy» pajšli ŭ internet

U Biełarusi zafiksavali ŭciečku piersanalnych danych klijentaŭ sietki piceryj «Doda Pica» (kampanija «Pica Star»), piša BiełTA.

Zdymak ilustracyjny. Fota: Jandeks-Karty

Nacyjanalny centr abarony piersanalnych danych vyjaviŭ, što ŭ internecie niezakonna raspaŭsiudžvajucca źviestki karystalnikaŭ papularnaj piceryi. Kampanija ŭžo paćvierdziła fakt uciečki.

Paviedamlajecca, što skampramietavanyja nastupnyja danyja:

• proźvišča, imia i imia pa baćku;
• adrasy dastaŭki;
• numary telefonaŭ;
• daty rehistracyi.

Kab vyśvietlić usie abstaviny, centr pačaŭ pazapłanavuju pravierku dziejnaści kampanii. U svaju čarhu apieratar zajaŭlaje, što prymaje miery dla minimizacyi nastupstvaŭ incydentu.

Kamientary da artykuła