Персанальныя звесткі кліентаў «Дода Піцы» пайшлі ў інтэрнэт

У Беларусі зафіксавалі ўцечку персанальных даных кліентаў сеткі піцэрый «Дода Піца» (кампанія «Піца Стар»), піша БелТА.

Здымак ілюстрацыйны. Фота: Яндэкс-Карты

Нацыянальны цэнтр абароны персанальных даных выявіў, што ў інтэрнэце незаконна распаўсюджваюцца звесткі карыстальнікаў папулярнай піцэрыі. Кампанія ўжо пацвердзіла факт уцечкі.

Паведамляецца, што скампраметаваныя наступныя даныя:

• прозвішча, імя і імя па бацьку;
• адрасы дастаўкі;
• нумары тэлефонаў;
• даты рэгістрацыі.

Каб высветліць усе абставіны, цэнтр пачаў пазапланавую праверку дзейнасці кампаніі. У сваю чаргу аператар заяўляе, што прымае меры для мінімізацыі наступстваў інцыдэнту.

Каментары да артыкула