U Buda-Kašaloŭskim rajonie try čałavieki naśmierć atrucilisia surahatam
U adzin z sakavickich dzion sudova-miedycynskija ekśpierty atrymali adrazu try cieły pamierłych — mužčyny i dźviuch žančyn. Mužčyna pamior u reanimacyi Buda-Kašaloŭskaj rajonnaj balnicy, a dźviuch žančyn znajšli pa miescy žycharstva bieź vidavočnych prykmiet hvałtoŭnaj śmierci, paviedamlaje Dziaržaŭny kamitet sudovych ekśpiertyz.
Vyśvietliłasia, što mužčyna i adna z žančyn žyli razam, a druhaja była ich znajomaj. Usie jany złoŭžyvali ałkaholem, tamu adnoj z asnoŭnych viersij stała atručeńnie.
Padčas ekśpiertyzy ŭ arhaniźmie ŭsich troch byŭ znojdzieny etylenhlikol — rečyva, jakoje i stała pryčynaj śmierci.
Etylenhlikol — heta tak zvany surahat ałkaholu: biaskolernaja vadkaść biez pachu z saładkavatym smakam. Jaho šyroka vykarystoŭvajuć u techničnych metach, naprykład u antyfryzach, tarmaznych i inšych techničnych vadkaściach.
Hetaje rečyva vielmi taksičnaje i niebiaśpiečnaje dla čałavieka. Jaho ŭžyvańnie, navat u nievialikich kolkaściach, moža pryvieści da ciažkaha atručeńnia i śmierci.
Čytajcie taksama:
U Bresckaj vobłaści atrucilisia dvoje małych: adzin hłynuŭ «koka-koły», druhaja tabletak
Dzieviacihadovy chłopčyk atruciŭsia rastvaralnikam, hłynuŭšy jaho z butelki dla koły