U MZS zajavili pra aktyŭny niepubličny dyjałoh z Zachadam

U Ministerstvie zamiežnych spraŭ Biełarusi zajavili, što ŭłady krainy viaduć aktyŭny, ale niepubličny dyjałoh z zachodnimi dziaržavami. Pra heta paviedamiŭ namieśnik ministra zamiežnych spraŭ Ihar Sakreta ŭ intervju telekanału «Pieršy infarmacyjny».

Ihar Sakreta. Fota: BiełTA

Pa słovach Ihara Sakrety, na praciahu apošniaha hoda rehularna prachodziać sustrečy z pradstaŭnikami Zachadu — jak u stalicach roznych krain, tak i na mižnarodnych placoŭkach. U pieramovach udzielničajuć kiraŭniki palityčnych departamientaŭ i namieśniki ministraŭ.

Na hetych sustrečach abmiarkoŭvajecca šyroki śpiektr pytańniaŭ, takija jak palityka i ekanomika, sankcyi i ich nastupstvy, a taksama pytańni biaśpieki.

Sakreta adznačaje, što ŭ chodzie dyskusij baki nie zaŭsiody zhodnyja, ale praciahvajuć abmieńvacca pazicyjami i vieści dyjałoh.

U jakaści prykładu kantaktaŭ jon zhadaŭ niadaŭniuju telefonnuju razmovu pamiž Alaksandram Łukašenkam i Emanuelem Makronam, jakaja adbyłasia pa inicyjatyvie francuzskaha boku i pavinna dać impuls dla dalejšych pieramoŭ.

Kamientary da artykuła