MZS vyklikała časovaha pavieranaha Litvy, zajaŭlaje pra parušeńnie miažy ŭkrainskim bieśpiłotnikam
«Jamu byŭ vykazany rašučy pratest u suviazi z čarhovym hrubym parušeńniem Dziaržaŭnaj miažy Biełarusi bieśpiłotnym latalnym aparatam z terytoryi Litvy», — zajaviŭ pres-sakratar MZS Rusłan Varankoŭ.
21 maja ŭ Ministerstva zamiežnych spraŭ byŭ vyklikany časovy pavierany ŭ spravach Litvy ŭ Biełarusi Erykas Viłkaniecas.
«Jamu byŭ vykazany rašučy pratest u suviazi z čarhovym hrubym parušeńniem Dziaržaŭnaj miažy Biełarusi bieśpiłotnym latalnym aparatam z terytoryi Litvy», — zajaviŭ pres-sakratar MZS Rusłan Varankoŭ.
Śćviardžajecca, što 17 maja ŭkrainski bieśpiłotny latalny aparat «Čajka», jaki pieršapačatkova nakiroŭvaŭsia na terytoryju Rasii dla naniasieńnia ŭdaraŭ pa abjektach na jaje terytoryi, byŭ vyjaŭleny kala vioski Stanisłaŭcy Dokšyckaha rajona.
«Litoŭski bok nie raspačaŭ dziejańniaŭ pa niedapuščeńni praniknieńnia bajavoha drona na terytoryju Biełarusi, uklučajučy svoječasovaje apaviaščeńnie biełaruskich uzbrojenych sił, u adroźnieńnie ad tych mier, jakija biełaruski bok prymaje ŭ anałahičnych situacyjach», — zajaŭlajuć u MZS i kažuć, što «hetyja dziejańni ŭjaŭlajuć saboj pramuju pahrozu biaśpiecy Respubliki Biełaruś i źjaŭlajucca hrubym parušeńniem normaŭ mižnarodnaha prava».
Aficyjny Minsk patrabuje ad litoŭskaha boku:
- — pravieści raźbiralnictva pa hetym fakcie,
- — nieadkładna pradastavić detalovuju infarmacyju pra abstaviny incydentu,
- — pryniać vyčarpalnyja miery dla niedapuščeńnia padobnych incydentaŭ u budučyni.
Ciapier čytajuć
«Čamu my pavinny niejak uščemlivać siabie?». Dyrektarka RTBD patłumačyła, čamu pastaviła śpiektakl pavodle Puškina ŭ adnym z apošnich teatraŭ krainy, jaki pracavaŭ pa-biełarusku5959
Kamientary
To bok atrymlivajecca tak, što łukašenkaŭskija kampietentnyja orhany papiaredžvajuć litoŭskich kalehaŭ u vypadku pahrozy praniknieńnia zaražanych vybuchoŭkaj dronaŭ. Bo moža vybuchnuć. A voś papiaredžvać biełarusaŭ, nad hałovami jakich lotaja taja ž samaja vybuchoŭka - łukašenkaŭskija kampietentnyja orhany metazhodnym nia ličać
A što nie šanoŭnyja rabili vy i vaša SPA? Zamiest taho kab źbić dron vy "papiaredzili" Litvu?
A toj dron što niby viarnuŭsia ź Litvy sapraŭdy toj dron ci zvyčajnaja falšyŭka zroblenaja łukašystami ŭ kakošnikach jak pierad poŭnavartamnym uvarvańniem va Ukrainu?
Ci dumajecie ludzi nie pamiatajuć ŭžo jak chałopy łukaki ŭ kakošnikach chvalilisia pierad Šajhu što jany nibyta "pierachapili ukrainski dron", a ukrainskija błohiery ŭžo na nastupny dzień raźbili fejk tołstapuzych łukašystaŭ u kakošnikach.