«Razmaŭlać možna tolki movaj siły, a Francyja takoj siłaj vałodaje». Łatuška prakamientavaŭ zvanok Makrona Łukašenku
Dypłamatyčny kantakt pamiž Paryžam i Minskam maje sens tolki jak ultymatum, a nie jak sproba damovicca. Pavodle kiraŭnika NAU Paŭła Łatuški, lubyja pahadnieńni z režymam, čyja samastojnaść znachodzicca na histaryčnym minimumie, nie buduć mieć nijakaj vahi biez papiaredniaha vyrašeńnia ŭnutrybiełaruskaha kryzisu.
Reahujučy na telefonnuju razmovu Emanuela Makrona z Alaksandram Łukašenkam, palityk adznačyŭ, što adzinym dziejsnym arhumientam u znosinach ź minskim režymam źjaŭlajecca pazicyja siły.
«Čałaviek, jaki namalavaŭ na karcie Biełarusi mišeń praz udzieł u čarhovym rasijskim jadziernym šantažy ŭ adras susiedziaŭ Biełarusi, pavinien dakładna ŭśviedamlać nastupstvy svaich dziejańniaŭ. Pavinien razumieć, što mienavita jon budzie nieści poŭnuju adkaznaść za lubyja ahresiŭnyja dziejańni i vajennyja pravakacyi z terytoryi Biełarusi. Havaryć z Łukašenkam možna tolki movaj siły i papiaredžańniaŭ z pazicyi siły. Francyja takoj siłaj biezumoŭna vałodaje», — zajaviŭ Pavieł Łatuška.
Razam z tym kiraŭnik NAU zaklikaŭ zachodnich partnioraŭ nie mieć iluzij nakont vahi lubych abiacańniaŭ, jakija mohuć prahučać ź Minska. Jon padkreśliŭ, što Łukašenka — heta «čałaviek, niazdolny harantavać jakija-niebudź abiacańni, bo jaho subjektnaść na siońniašni dzień znachodzicca na minimalnym uzroŭni za ŭsie 30+ hadoŭ jaho kiravańnia. Lubyja damoŭlenaści ź im z boku zachodnich lidaraŭ u abychod biełaruskaha hramadstva i demakratyčnych sił nie buduć tryvałymi i vartymi davieru».
Adzinym šlacham da sapraŭdnaj stabilizacyi ŭ rehijonie Łatuška bačyć vyrašeńnie ŭnutranaha biełaruskaha kanfliktu, jakoje musić papiaredničać lubym źniešniepalityčnym pahadnieńniam.
«Pieradumovaj lubych damoŭlenaściej i harantyj ich vykanańnia z boku Biełarusi moža być tolki papiaredniaje vyrašeńnie ŭnutrybiełaruskaha kryzisu praz paŭnavartasny dyjałoh ciapierašnich funkcyjanalnych uładaŭ ź biełaruskimi demakratyčnymi siłami i hramadzianskaj supolnaściu. Tolki Biełaruś, jakaja projdzie praz svaju viersiju «Kruhłaha stała», sistemnuju transfarmacyju i pieraadoleje ŭnutrany kryzis, moža stać paŭnavartasnym bokam źniešnich damoŭlenaściej i harantam ich vykanańnia», — padsumavaŭ palityk.
-
Biełarus paśla śmierci žonki zastaŭsia adzin ź dziećmi. Ich u jaho 12, ale jon dobra daje rady
-
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy
-
Jašče kala 400 hiektaraŭ ziamli na Homielščynie bolš nie ličacca radyjeaktyŭnymi
Ciapier čytajuć
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju80
Kamientary