Biełaruskija špijony pad dypłamatyčnym prykryćciom u ZŠA i krainach Jeŭropy. Chto jany? Poŭny śpis

U biełaruskich śpiecsłužbach špijanažam u zamiežnych krainach pad dypłamatyčnym prykryćciom zajmajecca Upraŭleńnie źniešniaj raźviedki Centralnaha aparatu KDB i Hałoŭnaje raźviedvalnaje ŭpraŭleńnie Hienieralnaha štaba ŭzbrojenych sił. Heta vajennaja raźviedka, jaje skaročanaje najmieńnie — HRU. Dypłamatyčnaje prykryćcio — heta ŭkaranieńnie pradstaŭnikoŭ śpiecsłužbaŭ na pasady dypłamataŭ Ministerstva zamiežnych spraŭ.

U aparacie MZS pradstaŭniki śpiecsłužbaŭ na pastajannaj asnovie skancentravany va ŭpraŭleńni dypłamatyčnaj biaśpieki, jaki padzialajecca na režymna-sakretny adździeł, siektar ułasnaj biaśpieki i siektar śpiecyjalnaj suviazi. Usie kirujučyja i klučavyja pasady ŭ im zajmajuć supracoŭniki śpiecsłužbaŭ.

Načalnik upraŭleńnia Usievaład Barysavič Hłuškoŭ, 1968 hoda naradžeńnia. Uradženiec horada Vilejka Minskaj vobłaści, zarehistravany ŭ Minsku pa vulicy Makajonka. U 1989 hodzie skončyŭ Minskaje vajenna-palityčnaje vučylišča, maje voinskaje zvańnie pałkoŭnik, pad dypłamatyčnym prykryćciom z 2010 hoda. Byŭ z špijonskimi misijami ŭ Litvie, Łatvii, Polščy i Francyi. Supracoŭnik KDB, u hety momant užo moža być na piensii.

Namieśnik načalnika ŭpraŭleńnia dypłamatyčnaj biaśpieki MZS, načalnik režymna-sakretnaha adździeła Andrej Dźmitryjevič Šviec, 1972 hoda naradžeńnia. Uradženiec horada Noŭharad, Rasija. Supracoŭnik KDB, zarehistravany ŭ vioscy Kopišča Minskaha rajona, taksama maje nieruchomaść u Minsku. Skončyŭ Akademiju MUS u 1999 hodzie i adrazu byŭ adkamandziravany dla prachodžańnia dalejšaj słužby ŭ KDB. Pad dypłamatyčnym prykryćciom z 2008 hoda. Doŭhi pieryjad špijoniŭ u Litvie, zatym u Hiermanii i Polščy.

Zahadčyk siektara ŭłasnaj biaśpieki Aleh Uładzimiravič Bajkievič, 1979 hoda naradžeńnia. Uradženiec Hancavickaha rajona Bresckaj vobłaści. Zarehistravany ŭ Minsku pa vulicy Niomanskaja. U KDB słužyć bolš za 20 hadoŭ. Z 2013 pa 2018 hady byŭ špijonam u Izraili pad dypłamatyčnym prykryćciom. Zajmaŭ pasadu savietnika pasolstva pa administracyjna-pravavych pytańniach. U mai 2021 hoda atrymaŭ pašpart prykryćcia na proźvišča Aleh Uładzimiravič Burčyc, 1978 hoda naradžeńnia.

Hałoŭny śpiecyjalist siektara ŭłasnaj biaśpieki — uradženiec Viciebska Eduard Anatoljevič Dołmat, 1978 hoda naradžeńnia. U realnaści jon supracoŭnik centralnaha aparatu KDB. U ciapierašni čas zarehistravany ŭ Minsku pa vulicy Kazimiraŭskaja. Pad dypłamatyčnym prykryćciom z 2021 hoda. Pad vyhladam dypłamata vyjazdžaŭ u kamandziroŭki va Ukrainu.

Zahadčykam siektara śpiecyjalnaj suviazi źjaŭlajecca uradženiec horada Troick Čalabinskaj vobłaści Rasii Viktar Piatrovič Kamienieŭ, 1958 hoda naradžeńnia. Aficyjna jon piensijanier Ministerstva abarony, ale słužbu prachodziŭ u HRU. Zarehistravany ŭ Minsku pa vulicy Michasia Łyńkova. Pad dypłamatyčnym prykryćciom z 2009 hoda. Z takimi pajezdkami byŭ u Litvie, Ukrainie, Polščy, Turcyi i inšych krainach.

Raniej siektaram śpiecyjalnaj suviazi kiravaŭ Jaŭhien Viktaravič Ściakłoŭ, 1971 hoda naradžeńnia. Uradženiec horada Minska, zarehistravany tam ža pa vulicy Staravilenskaja. U 1992 hodzie skončyŭ Krasnadarskaje vyšejšaje vajskovaje vučylišča. Paśla słužyŭ va Upraŭleńni vajskovaj kontrraźviedki KDB. Byŭ načalnikam adździeła. Pad dypłamatyčnym prykryćciom z 2010 hoda. Šmat razoŭ vyjazdžaŭ u zamiežnyja kamandziroŭki ŭ Polšču, Turcyju, Aŭstryju, Łatviju, Litvu, Bielhiju, Francyju i Vialikabrytaniju.

Špijony pad prykryćciom biełaruskich dyppradstaŭnictvaŭ za miažoj

Pasolstva Biełarusi va Ukrainie

Savietnik pasolstva Uładzimir Anatoljevič Zubkoŭ, 1984 hoda naradžeńnia. Uradženiec horada Minska, zarehistravany tam ža pa vulicy Miastraŭskaja. Jon skončyŭ Minskaje Suvoraŭskaje vajskovaje vučylišča, potym Vajskovuju akademiju Biełarusi. Potym Zubkoŭ pastupiŭ na słužbu ŭ KDB, źjaŭlaŭsia supracoŭnikam Centralnaha aparatu. U MZS jaho ŭkaranili ŭ 2019 hodzie. U 2020 hodzie atrymaŭ dypłamatyčnaje prykryćcio.

Vajenny ataše Ihar Siarhiejevič Šmatok, 1979 hoda naradžeńnia. Uradženiec horada Siekiešfiechiervar, Vienhryja — u siamji savieckaha aficera. Pieršapačatkova słužyŭ u bryhadzie śpiecyjalnaha pryznačeńnia ŭnutranych vojskaŭ MUS (vajskovaja čaść 3214). U 2002 hodzie jon byŭ adkamandziravany ŭ HRU, dzie i słužyć dahetul. Pad dypłamatyčnym prykryćciom z 2014 hoda. Zarehistravany ŭ Minsku, pa vulicy Karvata. U 2011 hodzie atrymaŭ pašpart prykryćcia na imia Ihar Alaksandravič Niachaj, 1979 hoda naradžeńnia. Na hetaje ž proźvišča było aformlena fiktyŭnaje paśviedčańnie kiroŭcy.

Paśla vyjezdu z Ukrainy Uładzimir Zubkoŭ i Ihar Šmatok apynulisia na tych ža pasadach u pasolstvie Biełarusi ŭ Małdovie.

Pamočnik vajskovaha ataše Jaŭhien Anatoljevič Kasaviec, naradziŭsia ŭ 1982 hodzie ŭ siamji savieckaha aficera, jaki słužyŭ u Čechasłavakii. U 2003 hodzie skončyŭ Akademiju MUS Biełarusi, słužyŭ u milicyi ŭ Maskoŭskim RUUS horada Minska. U 2007 hodzie jon byŭ adkamandziravany ŭ Ministerstva abarony i ŭ vyniku apynuŭsia ŭ HRU. Zarehistravany ŭ Minsku pa vulicy Adzincova. Pad dypłamatyčnym prykryćciom z 2018 hoda. Da misii va Ukrainie ŭ zamiežnyja kamandziroŭki pa linii HRU nie vyjazdžaŭ. Maje pašpart prykryćcia, vydadzieny ŭ 2016 hodzie na danyja Jaŭhien Alaksandravič Martynaŭ, 1982 hoda naradžeńnia.

Pamočnik vajskovaha ataše — Vital Viktaravič Mielnikaŭ, 1984 hoda naradžeńnia. Uradženiec horada Vietka Homielskaj vobłaści. Zarehistravany ŭ Minsku pa vulicy Hrušaŭskaja niepasredna pry vajskovaj čaści HRU. Raniej słužyŭ u Bresckim raźviedcientry HRU. Pad dypłamatyčnym prykryćciom zusim niadaŭna. Špijonskaja misija va Ukrainie — jaho pieršaja zamiežnaja kamandziroŭka. U 2016 hodzie atrymaŭ pašpart prykryćcia na danyja Vital Viktaravič Mielnik, 1984 hoda naradžeńnia. Na hetyja ž danyja Mielnikaŭ aformiŭ falšyvaje paśviedčańnie kiroŭcy i čatyry numary telefonnaj suviazi.

Pieršy sakratar pasolstva Dźmitryj Uładzimiravič Praluk, 1982 hoda naradžeńnia. Uradženiec horada Słonim Hrodzienskaj vobłaści. Skončyŭ Viciebski dziaržaŭny ŭniviersitet. Spačatku słužyŭ va ŭpraŭleńni KDB pa Hrodzienskaj vobłaści. Zatym byŭ pieraviedzieny va ŭpraŭleńnie zamiežnaj raźviedki Centralnaha aparatu KDB. Pad dypłamatyčnym prykryćciom z 2019 hoda. Da Ukrainy ŭ zamiežnych kamandziroŭkach nie byŭ. U 2013 hodzie jon atrymaŭ pašpart prykryćcia na danyja Kanstancin Vikienćjevič Jaraševič, 1981 hoda naradžeńnia.

Pasolstva Biełarusi ŭ ZŠA

Savietnik pasolstva, jaki kuryruje pytańni biaśpieki i administracyjna-pravavyja pytańni, Andrej Viktaravič Marćjanaŭ, 1974 hoda naradžeńnia. Supracoŭnik upraŭleńnia źniešniaj raźviedki KDB. Naradziŭsia ŭ horadzie Kobryn Bresckaj vobłaści, ale doŭhi čas žyŭ u horadzie Orša Viciebskaj vobłaści. Zarehistravany ŭ Minsku pa vulicy Łabanka. Pad dypłamatyčnym prykryćciom z 2013 hoda. Raniej u jakaści psieŭdadypłamata byŭ u Turcyi i Abjadnanych Arabskich Emiratach.

Ataše pa pytańniach abarony Andrej Uładzisłavavič Mišuta, 1973 hoda naradžeńnia. Uradženiec horada Lida Hrodzienskaj vobłaści. Supracoŭnik Centra zamiežnaj vajskovaj infarmacyi HRU. Raniej słužyŭ u 46‑m asobnym raźviedvalnym bataljonie i va Upraŭleńni mižnarodnaha supracoŭnictva Ministerstva abarony Biełarusi. Pad dypłamatyčnym prykryćciom z 2008 hoda. Raniej vyjazdžaŭ u słužbovyja zahrankamandziroŭki ŭ Polšču, Łatviju i Francyju.

Pastajannaje pradstaŭnictva Biełarusi pry AAN. Horad Ńju-Jork

Savietnik, jaki kuryruje pytańni biaśpieki, Dzianis Anatoljevič Tarasienka, 1981 hoda naradžeńnia. Uradženiec Minska, zarehistravany tam ža pa vulicy Kazimiraŭskaja. Skončyŭ Akademiju FSB Rasii ŭ Maskvie. Słužyŭ u Baranavickim mižrajonnym adździele ŭpraŭleńnia KDB pa Bresckaj vobłaści. Paśla byŭ pieraviedzieny va ŭpraŭleńnie zamiežnaj raźviedki KDB u horad Minsk. Pad dypłamatyčnym prykryćciom pracuje z 2016 hoda. Vyjazdžaŭ u zahrankamandziroŭki ŭ Aŭstryju, Bałharyju, Turcyju i Livan.

Majuć prykmiety datyčnaści da śpiecsłužbaŭ:

Savietnik, jaki kuryruje pytańni pravoŭ čałavieka, Ihar Siarhiejevič Pilipienka, 1985 hoda naradžeńnia. Čałaviek z praktyčna nieviadomaj bijahrafijaj. Uradženiec horada Pastavy Viciebskaj vobłaści, ale bolšuju častku žyćcia pravioŭ u Minsku. Skončyŭ Maskoŭski dziaržaŭny instytut mižnarodnych adnosin. Status dypłamata maje z 2011 hoda. Raniej byŭ u słužbovych kamandziroŭkach u Turcyi, AAE, Polščy, Rasii, Bielhii i Hiermanii.

Pieršy sakratar, jaki kuryruje pratakolnyja pytańni, Jaŭhien Alaksandravič Šajeŭ, 1989 hoda naradžeńnia. Rodam z horada Hłybokaje Viciebskaj vobłaści. Skončyŭ Viciebski dziaržaŭny ŭniviersitet. Potym trochi pažyŭ u horadzie Brasłaŭ Viciebskaj vobłaści. Pryčym u rehistracyjnych ulikach ničoha nie paznačana, čym jon tam zajmaŭsia. A ŭ kancy 2020 hoda Jaŭhien Šajeŭ raptam staŭ biełaruskim dypłamatam u ZŠA.

Pasolstva Biełarusi ŭ Aŭstryi

Savietnik, jaki kuryruje pytańni biaśpieki i administracyjna-pravavyja pytańni, Vitalij Michajłavič Prusievič, 1987 hoda naradžeńnia. Uradženiec horada Maładziečna Minskaj vobłaści. Zarehistravany ŭ Minsku pa vulicy Kazimiraŭskaja. Skončyŭ Minskaje Suvoraŭskaje vajskovaje vučylišča. Źjaŭlajecca supracoŭnikam Upraŭleńnia zamiežnaj raźviedki KDB. Pad dypłamatyčnym prykryćciom z 2017 hoda.

Ataše pa pytańniach abarony Pavieł Michajłavič Chacianoŭski, 1976 hoda naradžeńnia. Uradženiec Dziaržynskaha rajona Minskaj vobłaści. Zarehistravany ŭ Minsku pa vulicy Zasnavalnikaŭ. Supracoŭnik Centra zamiežnaj vajskovaj infarmacyi HRU. Pad dypłamatyčnym prykryćciom z 2016 hoda.

Ataše pasolstva Alaksandr Dźmitryjevič Achramovič, 1987 hoda naradžeńnia. Naradziŭsia ŭ Maładziečanskim rajonie Minskaj vobłaści. Zarehistravany ŭ vioscy Kopišča Minskaha rajona pa vulicy Vikiencija Karpoviča. Supracoŭnik Centralnaha aparata KDB. Aficer-šyfravalščyk pasolstva.

Pasolstva Biełarusi ŭ Bielhii

(Jano ž vykonvaje funkcyi pradstaŭnictva pry Jeŭrapiejskim sajuzie i NATA).

Savietnik pasolstva pa administracyjna-pravavych pytańniach Pavieł Vasiljevič Hurjanaŭ, 1985 hoda naradžeńnia. Naradziŭsia ŭ horadzie Barysaŭ Minskaj vobłaści. Maje ŭ Minsku dźvie kvatery na vulicy Jelskich i pa vulicy Hierojaŭ 120‑j dyvizii. Źjaŭlajecca supracoŭnikam HRU, pad dypłamatyčnym prykryćciom jon z 2020 hoda. U 2019 hodzie atrymaŭ pašpart prykryćcia na imia Pavieł Vasiljevič Karčahin, 1986 hoda naradžeńnia.

Ataše pa pytańniach abarony Dźmitryj Mikałajevič Łuka, 1978 hoda naradžeńnia. Naradziŭsia ŭ horadzie Patsdam, Hiermanija, u siamji savieckaha aficera. Zarehistravany ŭ Minsku pa Łahojskim trakcie. Skončyŭ Vajskovuju akademiju Biełarusi i słužyŭ tam niekatory čas, zatym pieravioŭsia ŭ HRU. Pad dypłamatyčnym prykryćciom z 2013 hoda. U 2021 hodzie atrymaŭ pašpart prykryćcia na imia Dźmitryj Mikałajevič Białoŭ, 1976 hoda naradžeńnia.

Pieršy sakratar, jaki kuryruje konsulskija pytańni — Dźmitryj Siarhiejevič Kryštal, 1992 hoda naradžeńnia. Uradženiec horada Pinsk Bresckaj vobłaści. Byŭ zarehistravany ŭ Minsku pa vulicy Panamarenki. Supracoŭnik Centralnaha aparata KDB. Pad dypłamatyčnym prykryćciom niadaŭna.

Ataše pasolstva Siarhiej Kanstancinavič Arciemjeŭ, 1976 hoda naradžeńnia. Uradženiec horada Minska. Zarehistravany tam ža pa vulicy Kuncaŭščyna. Supracoŭnik Centralnaha aparatu KDB. Aficer-šyfravalščyk. Pad dypłamatyčnym prykryćciom z 2014 hoda.

Pasolstva Biełarusi ŭ Vialikabrytanii

Savietnik, jaki kuryruje pytańni biaśpieki i administracyjna-pravavyja pytańni, Andrej Uładzimiravič Miskievič, 1981 hoda naradžeńnia. Naradziŭsia ŭ Minsku, tam ža i zarehistravany pa vulicy Papanina. Skončyŭ Biełaruski dziaržaŭny ŭniviersitet, zatym Instytut nacyjanalnaj biaśpieki. Supracoŭnik Upraŭleńnia zamiežnaj raźviedki KDB. Pad dypłamatyčnym prykryćciom zusim niadaŭna.

Pieršy sakratar, jaki kuryruje konsulskija pytańni, pravavuju dapamohu, dyjasparu, turyzm, Maksim Michajłavič Hareły, 1979 hoda naradžeńnia. Naradziŭsia ŭ horadzie Homieli. Słužyŭ va Upraŭleńni KDB pa horadzie Minsku i Minskaj vobłaści, zatym byŭ pieraviedzieny va Upraŭleńnie zamiežnaj raźviedki Centralnaha aparatu KDB. Pad dypłamatyčnym prykryćciom z 2011 hoda. U 2009 hodzie atrymaŭ pašpart prykryćcia na imia Maksim Ivanavič Ramanoŭski, 1979 hoda naradžeńnia.

Pasolstva ŭ Hiermanii

Savietnik pa administracyjna-pravavych pytańniach Dźmitryj Anatoljevič Lavonaŭ, 1977 hoda naradžeńnia. Naradziŭsia ŭ Minsku, zarehistravany tam ža pa vulicy Papanina. U 1998 hodzie skončyŭ Akademiju MUS, paśla čaho adrazu byŭ adkamandziravany ŭ KDB. Pad dypłamatyčnym prykryćciom kala 20 hadoŭ. U asnoŭnym jon śpiecyjalizujecca na špijanažy ŭ krainach Zachodniaj Jeŭropy.

Ataše pa pytańniach abarony Aleś Alaksandravič Paškievič, 1977 hoda naradžeńnia. Uradženiec horada Novałukoml Viciebskaj vobłaści, zarehistravany ŭ Minsku pa vulicy Hierojaŭ 120‑j dyvizii. Supracoŭnik HRU. Pad dypłamatyčnym prykryćciom znachodzicca z 2012 hoda. Pačynaŭ špijonskuju dziejnaść u AAE, Indyi i Turcyi. Zatym staŭ śpiecyjalizavacca na krainach Jeŭrasajuza.

Druhi sakratar, jaki kuryruje palityčnyja, humanitarnyja i pratakolnyja pytańni, Siarhiej Uładzimiravič Sipko, 1986 hoda naradžeńnia. Uradženiec horada Połack Viciebskaj vobłaści. Słužyŭ u Połackim mižrajonnym adździele ŭpraŭleńnia KDB pa Viciebskaj vobłaści. Zatym byŭ pieraviedzieny ŭ Centralny aparat KDB. U 2018 hodzie atrymaŭ pašpart prykryćcia na imia Siarhiej Uładzimiravič Samochin, 1985 hoda naradžeńnia.

Hienieralnaje konsulstva Biełarusi ŭ Miunchienie

Hienieralny konsuł Kirył Leanidavič Drahun, 1972 hoda naradžeńnia. Uradženiec Minska. Zarehistravany tam ža pa vulicy Jazepa Drazdoviča. Supracoŭnik Centralnaha aparata KDB. Pad dypłamatyčnym prykryćciom kala 20 hadoŭ.

Pasolstva ŭ Italii

Savietnik, jaki kuryruje pytańni biaśpieki i administracyjna-pravavyja pytańni, Alaksiej Alaksandravič Jurša, 1984 hoda naradžeńnia. Uradženiec horada Praha, Čechasłavakija — u siamji savieckaha aficera. Zarehistravany ŭ Minsku po vulicy Fohiela. Skončyŭ Vajskovuju akademiju Biełarusi. Paśla ŭ joj ža i słužyŭ namieśnikam načalnika kursa. Praź niekatory čas pieravioŭsia ŭ HRU. Pad dypłamatyčnym prykryćciom z 2020 hoda. Raniej špijanažam za miažoj nie zajmaŭsia.

Konsulstva Biełarusi ŭ horadzie Daŭhaŭpiłs, Łatvija

Konsuł, jaki kuryruje konsulska-pravavyja pytańni i ŭzajemadziejańnie z pravaachoŭnymi orhanami, Alaksiej Alehavič Kaziuk, 1991 hoda naradžeńnia. Uradženiec Leninhradskaj vobłaści Rasii. Pierajechaŭ z baćkami ŭ Biełaruś z Rasii ŭ 1999 hodzie. Tady i nabyŭ biełaruskaje hramadzianstva. Pražyvaŭ u horadzie Lida Hrodzienskaj vobłaści. Skončyŭ Biełaruski dziaržaŭny ŭniviersitet. Źjaŭlajecca supracoŭnikam Centra zamiežnaj vajskovaj infarmacyi HRU. Pad dypłamatyčnym prykryćciom zusim niadaŭna.

Raniej hetuju konsulskuju pasadu zajmaŭ taksama pradstaŭnik śpiecsłužbaŭ Mikałaj Uładzimiravič Ramankievič, 1972 hoda naradžeńnia. Uradženiec horada Lida Hrodzienskaj vobłaści. Na toj pieryjad supracoŭnik Centralnaha aparata KDB.

Pasolstva Biełarusi ŭ Litvie

Raniej u hetym pasolstvie pasadu savietnika, jaki kuryruje pytańni biaśpieki, zajmaŭ Alaksandr Hiermanavič Makaraŭ, 1969 hoda naradžeńnia. Jon uradženiec horada Patsdam, Hiermanija — u siamji savieckaha aficera. Pavodle najaŭnaj infarmacyi, supracoŭnik KDB. Pad dypłamatyčnym prykryćciom z 2010 hoda. Maje dva pašparty prykryćcia. Pieršy byŭ vydadzieny ŭ 2008 hodzie na imia Alaksandr Hiermanavič Mielnikaŭ, 1969 hoda naradžeńnia, uradženiec horada Kijeŭ. Druhi vydadzieny ŭ 2015 hodzie na imia Alaksandr Hienadzievič Małachaŭ, 1970 hoda naradžeńnia, uradženiec rasijskaha horada Pskoŭ. Na hetyja danyja byli zarehistravany taksama dva numary mabilnaj suviazi.

Pasolstva Biełarusi ŭ Polščy

Savietnik, jaki kuryruje pytańni biaśpieki, Dźmitryj Stanisłavavič Pieniaź, 1976 hoda naradžeńnia. Uradženiec Bresta. Zarehistravany ŭ Minsku pa vulicy Čyčuryna. Prachodziŭ słužbu na apieratyŭnych pasadach va ŭpraŭleńni KDB pa horadzie Minsku i Minskaj vobłaści, a taksama ŭ Centralnym aparacie KDB. Pad dypłamatyčnym prykryćciom z 2018 hoda. Vyjazdžaŭ u zahrankamandziroŭki ŭ Bielhiju, Aŭstryju i Francyju.

Pieršy sakratar, jaki kuryruje handlova-ekanamičnyja pytańni, ŚMI i pratakoł, Dźmitryj Alaksandravič Čujkoŭ, 1982 hoda naradžeńnia. Uradženiec Homielskaha rajona. Byŭ zarehistravany ŭ Homieli pa vulicy Čačerskaj. Pad dypłamatyčnym prykryćciom z 2016 hoda. Raniej byŭ supracoŭnikam pasolstva Biełarusi ŭ Finlandyi.

Ataše Jaŭhien Jaŭhienavič Brednieŭ, 1980 hoda naradžeńnia. Uradženiec horada Homiela. Zarehistravany tam ža pa vulicy Bratoŭ Liziukovych. Aficer-šyfravalščyk. Prachodziŭ słužbu va ŭpraŭleńni KDB pa Homielskaj vobłaści i ŭ Centralnym aparacie KDB. Pad dypłamatyčnym prykryćciom z 2017 hoda. Raniej byŭ šyfravalščykam u pasolstvie va Ukrainie.

Konsulstva Biełarusi ŭ horadzie Biała-Padlaska

Konsuł Alaksandr Lvovič Marhulan, 1971 hoda naradžeńnia. Uradženiec Pinska. Zarehistravany tam ža pa vulicy Sadovaja. Z 1998 pa 2020 hady prachodziŭ vajskovuju słužbu ŭ Dziaržaŭnym pahraničnym kamitecie i ŭ HRU. Z 2006 pa 2009 hady byŭ špijonam pad dypłamatyčnym prykryćciom. Mahčyma, Alaksandr Marhulan užo na vajskovaj piensii, ale ŭ Polščy jon vidavočna vykonvaje nie tolki konsulskija funkcyi.

Pasolstva Biełarusi ŭ Sierbii

Ataše pa pytańniach abarony Ivan Mikałajevič Bierazoŭski, 1976 hoda naradžeńnia. Uradženiec horada Staryja Darohi Minskaj vobłaści. Zarehistravany ŭ Minsku pa vulicy Zasnavalnikaŭ. Bolš za 20 hadoŭ słužyć u HRU. Špijonić pad dypłamatyčnym prykryćciom u Sierbii z 2018 hoda. U 2010 hodzie jamu byŭ aformleny pašpart prykryćcia na imia Ivan Mikałajevič Markielis, 1979 hoda naradžeńnia, uradženca Prymorskaha kraju Rasii. Na hetaje ž proźvišča było aformlena falšyvaje paśviedčańnie kiroŭcy. U 2015 hodzie atrymaŭ inšy pašpart prykryćcia na imia Hienadzij Piatrovič Rudzin, 1972 hoda naradžeńnia.

Pasolstva Biełarusi ŭ Francyi

Daradca pa administracyjna-pravavych pytańniach Rusłan Ivanavič Sierba, 1980 hoda naradžeńnia. Uradženiec horada Stolin Bresckaj vobłaści. Maje dźvie kvatery ŭ horadzie Breście na vulicach Varoŭskaha i Hrybajedava. Słužyŭ u Drahičynskim mižrajonnym adździaleńni ŭpraŭleńnia KDB pa Bresckaj vobłaści. Zatym u abłasnym aparacie. U 2019 hodzie byŭ pieraviedzieny va ŭpraŭleńnie zamiežnaj raźviedki KDB u horad Minsk. Pad dypłamatyčnym prykryćciom zusim niadaŭna. Raniej za miažoj nie vykarystoŭvaŭsia.

Raniej hetuju ž pasadu zajmaŭ taksama supracoŭnik KDB Juryj Alaksandravič Davydoŭski, 1980 hoda naradžeńnia, uradženiec Viciebska. Słužyŭ va ŭpraŭleńni KDB pa Viciebskaj vobłaści. Zatym byŭ pieraviedzieny va ŭpraŭleńnie zamiežnaj raźviedki KDB. Mieŭ pašpart prykryćcia na imia Siarhiej Alaksandravič Dubroŭski, 1980 hoda naradžeńnia.

Pasolstva Biełarusi ŭ Čechii

Tam da niadaŭniaha času savietnikam, jaki kuryruje pytańni biaśpieki i administracyjna-pravavyja pytańni, ličyŭsia Mikałaj Alaksandravič Dukšta, 1985 hoda naradžeńnia. Uradženiec horada Hrodna. Byŭ zarehistravany ŭ Minsku pa zavułku Bahracijona. Pracavaŭ u hrodzienskim padraździaleńni «Biełmytservisa». Potym słužyŭ va ŭpraŭleńni KDB pa Hrodzienskaj vobłaści, u Ščučynskim mižrajonnym adździaleńni i ŭ abłasnym aparacie. Zatym byŭ pieraviedzieny ŭ Minsk, va ŭpraŭleńnie zamiežnaj raźviedki KDB. Pad dypłamatyčnym prykryćciom jon z 2021 hoda. Raniej za miažoj nie vykarystoŭvaŭsia. U vieraśni 2025 hoda Dukšta byŭ vysłany ŭładami Čechii z-za špijonskaj dziejnaści.

Pasolstva Biełarusi ŭ Šviejcaryi

Druhi sakratar pasolstva, jaki kuryruje konsulskija pytańni, humanitarnaje i kulturnaje supracoŭnictva, ŚMI i pratakoł, Siarhiej Michajłavič Zajcaŭ, 1990 hoda naradžeńnia. Uradženiec horada Homiel. Słužyŭ aficeram 38‑j asobnaj desantna-šturmavoj bryhady horada Bresta. Z 2020 hoda niečakana staŭ dypłamatam. Najbolš imaviernym tłumačeńniem takoha pavarotu losu budzie toje, što Siarhiej Zajcaŭ źjaŭlajecca supracoŭnikam HRU pad dypłamatyčnym prykryćciom.

Pastajannaje pradstaŭnictva Biełarusi pry adździaleńni AAN i inšych mižnarodnych arhanizacyjach u Ženievie

Savietnik, jaki kuryruje pytańni biaśpieki i administracyjnyja pytańni, Dzianis Mikałajevič Mielnikaŭ, 1979 hoda naradžeńnia. Uradženiec horada Mahiloŭ. Zarehistravany ŭ Minsku pa vulicy Niomanskaja. Słužyŭ va ŭpraŭleńni KDB pa Mahiloŭskaj vobłaści, zatym u Centralnym aparacie KDB. Pad dypłamatyčnym prykryćciom z 2015 hoda.

Pieršy sakratar, jaki kuryruje pracu ź Mižparłamienckim sajuzam, Mižnarodnaj arhanizacyjaj pracy, Suśvietnaj arhanizacyjaj achovy zdaroŭja i Abjadnanaj prahramaj AAN pa VIČ-ŚNID, Jaŭhien Siarhiejevič Ladnioŭ, 1989 hoda naradžeńnia. Uradženiec horada Hrodna. Słužyŭ va ŭpraŭleńni KDB pa Hrodzienskaj vobłaści, mižrajonnym adździele ŭ horadzie Lida i ŭ samim abłasnym centry. Pad dypłamatyčnym prykryćciom z 2021 hoda. U 2016 hodzie atrymaŭ pašpart prykryćcia na imia Siarhiej Alaksandravič Harčakoŭ, 1989 hoda naradžeńnia. Na hetaje proźvišča było aformlena try numary mabilnaj suviazi.

Pieršy sakratar, jaki kuryruje pytańni pravoŭ čałavieka, Maksim Uładzimiravič Sapsaj, 1982 hoda naradžeńnia. Naradziŭsia ŭ Litvie ŭ siamji savieckaha aficera. Maje kvateru ŭ Viciebsku pa vulicy hienierała Ivanoŭskaha. Słužyŭ va ŭpraŭleńni KDB pa Viciebskaj vobłaści ŭ Lepielskim mižrajonnym adździaleńni i ŭ abłasnym aparacie. Zatym byŭ pieraviedzieny va ŭpraŭleńnie zamiežnaj raźviedki KDB u Minsk. Pad dypłamatyčnym prykryćciom z 2019 hoda. U 2015 hodzie atrymaŭ pašpart prykryćcia na imia Maksim Uładzimiravič Sierhijenka, 1983 hoda naradžeńnia, uradženiec horada Razań, Rasija.

Pasolstva Biełarusi ŭ Šviecyi

Ataše pa pytańniach abarony tam byŭ supracoŭnik HRU Juryj Viktaravič Charyn, 1977 hoda naradžeńnia. Uradženiec Minska, ale dziacinstva i junactva pravioŭ u horadzie Lachavičy Bresckaj vobłaści. Zarehistravany ŭ Minsku pa vulicy Rahačoŭskaja. U HRU jon bolš za 20 hadoŭ. Słužyŭ u Bresckim raźviedcientry i ŭ padraździaleńni vajskovaj raźviedki ŭ Minsku. Pad dypłamatyčnym prykryćciom z 2008 hoda. Raniej doŭhi pieryjad byŭ vajskovym ataše ŭ Polščy i Litvie.

Pasolstva Biełarusi ŭ Estonii

Pieršy sakratar, jaki kuryruje konsulskija pytańni, kulturu, navuku, adukacyju, turyzm, dyjasparu i dahavorna-pravavuju bazu, Alaksiej Mikałajevič Zubko, 1982 hoda naradžeńnia. Uradženiec horada Biaroza Bresckaj vobłaści. Maje kvateru ŭ Minsku pa vulicy Alešava. Skončyŭ Vajskovuju akademiju Respubliki Biełaruś. Słužyŭ u 153‑j radyjotechničnaj bryhadzie asobaha pryznačeńnia, jakaja padparadkoŭvajecca HRU. Kala 10 hadoŭ tamu byŭ pieraviedzieny ŭ adno z padraździaleńniaŭ HRU u Minsku i pierakvalifikavaŭsia na raźviedčyka-apieratyŭnika. Z 2017 hoda pad dypłamatyčnym prykryćciom. Da kamandziroŭki ŭ Estoniju byŭ trecim, zatym druhim sakratarom pasolstva Biełarusi ŭ Siryi.

Pasolstva Biełarusi ŭ Rasii

Savietnik — paŭnamocny pradstaŭnik Biełarusi pry ADKB, Alaksandr Jaŭhienavič Hrynievič, 1966 hoda naradžeńnia. Uradženiec horada Babrujsk Mahiloŭskaj vobłaści. Zarehistravany niedaloka ad Minska ŭ vioscy Čudzieničy Łahojskaha rajona. Vajskovy piensijanier, słužyŭ u HRU i Dziaržaŭnym sakrataryjacie Rady biaśpieki Biełarusi. Pracavaŭ u Kiraŭnictvie spravaŭ Łukašenki.

Savietnik, aficyjny pradstaŭnik KDB Biełarusi ŭ Rasii Vitalij Mikałajevič Łysiura, 1971 hoda naradžeńnia. Uradženiec horada Minska. Zarehistravany tam ža pa vulicy Kaleśnikava. Supracoŭnik Upraŭleńnia zamiežnaj raźviedki KDB. Pad dypłamatyčnym prykryćciom z 2013 hoda. U 2009 hodzie byŭ aformleny pašpart prykryćcia na imia Vitala Alaksandraviča Łaŭrova.

Daradca, jaki kuryruje pytańni biaśpieki, Vitalij Uładzisłavavič Kot, 1975 hoda naradžeńnia, supracoŭnik centralnaha aparata KDB. Uradženiec Minska, zarehistravany tam ža pa vulicy Alšeŭskaha. Pad dypłamatyčnym prykryćciom z 2009 hoda.

Treci sakratar Uładzimir Jurjevič Šumilin, 1973 hoda naradžeńnia. Uradženiec horada Minska. Zarehistravany tam ža pa vulicy Burdziejnaha. Pad dypłamatyčnym prykryćciom z 2010 hoda. Supracoŭnik centralnaha aparatu KDB. Aficer-šyfravalščyk. Da hetaha — kansultant siektara śpiecyjalnaj suviazi ŭpraŭleńnia dypłamatyčnaj biaśpieki MZS.

Ataše pa pytańniach abarony Alaksiej Alaksiejevič Jaršoŭ, 1979 hoda naradžeńnia. Uradženiec Minskaha rajona, zarehistravany ŭ Minsku pa vulicy Majakoŭskaha. Bolš za 20 hadoŭ źjaŭlajecca supracoŭnikam HRU. Pad dypłamatyčnym prykryćciom zusim niadaŭna. U 2021 hodzie jamu byŭ aformleny pašpart prykryćcia na danyja Alaksandr Alaksiejevič Aršavin, 1980 hoda naradžeńnia.

Pamočnik ataše pa pytańniach abarony Alaksandr Alaksandravič Kuryła, 1983 hoda naradžeńnia. Uradženiec horada Baranavičy Bresckaj vobłaści. Zarehistravany ŭ Minsku ŭ vajennym internacie pa vulicy Majakoŭskaha. Kadravy vajskoviec, słužyŭ u 116‑j hvardziejskaj šturmavoj avijacyjnaj bazie ŭ horadzie Lida Hrodzienskaj vobłaści. Zatym u raźviedvalnym centry HRU ŭ horadzie Hrodna. U 2021 hodzie pieraviedzieny ŭ adno z padraździaleńniaŭ HRU u horadzie Minsku. Pad dypłamatyčnym prykryćciom niadaŭna. U 2015 hodzie byŭ aformleny pašpart prykryćcia na imia Alaksandr Alaksandravič Tomin, 1982 hoda naradžeńnia. Hety falšyvy pašpart byŭ anulavany ŭ 2020 hodzie. A ŭ 2017 hodzie atrymaŭ jašče adzin pašpart prykryćcia na danyja Alaksandr Alaksandravič Volin, 1982 hoda naradžeńnia.

Pamočnik ataše pa pytańniach abarony Kanstancin Hienadzievič Zyčkoŭ, 1984 hoda naradžeńnia. Uradženiec Homiela. Da 2016 hoda byŭ zarehistravany tam ža pa vulicy Žamčužnaj, zatym pierajechaŭ u Minsk na vulicu Fohiela. Pad dypłamatyčnym prykryćciom niadaŭna. U 2015 hodzie jamu byŭ aformleny pašpart prykryćcia na danyja Kanstancin Hienadzievič Ruśniakoŭ, 1984 hoda naradžeńnia. Na vydumanaje proźvišča taksama byli aformleny falšyvyja pravy kiroŭcy i zarehistravany numar mabilnaj suviazi.

Pieršy sakratar pasolstva, jaki kuryruje konsulskija pytańni, Siarhiej Michajłavič Dambroŭski, 1973 hoda naradžeńnia. Uradženiec Minska, zarehistravany tam ža pa vulicy Kaleśnikava. Pad dypłamatyčnym prykryćciom z 2018 hoda.

Daradcy adździaleńnia pasolstva Biełarusi ŭ horadzie Rastoŭ-na-Donie Dźmitryj Hienadzievič Škurdź, 1966 hoda naradžeńnia. Uradženiec horada Minska, zarehistravany tam ža pa vulicy Hrycaŭca. Piensijanier KDB, pryčym słužyŭ u centralnym aparacie viedamstva. Zatym byŭ namieśnikam načalnika ŭpraŭleńnia kadraŭ Ministerstva zamiežnych spraŭ Biełarusi. Pad dypłamatyčnym prykryćciom z 2009 hoda. Vyjazdžaŭ u zahrankamandziroŭki ŭ Turcyju, Ukrainu, Izrail, Francyju, Niderłandy.

Staršy savietnik adździaleńnia pasolstva Biełarusi ŭ horadzie Krasnadar Ihar Uładzimiravič Ščahłoŭ, 1971 hoda naradžeńnia. Uradženiec horada Brest, zarehistravany tam ža pa vulicy Čyrvonaściažnaja. Słužyŭ va ŭpraŭleńni KDB pa Bresckaj vobłaści. Zatym byŭ pieraviedzieny ŭ centralny aparat viedamstva. Mahčyma, jon užo piensijanier KDB. Pad dypłamatyčnym prykryćciom zusim niadaŭna.

Da niadaŭniaha času staršym daradcam adździaleńnia pasolstva Biełarusi ŭ horadzie Nižni Noŭharad byŭ Uładzimir Alaksandravič Varankovič, 1959 hoda naradžeńnia. Uradženiec horada Enhiels Sarataŭskaj vobłaści Rasii. Maje dźvie kvatery ŭ Minsku pa vulicach Makajonka i Asanalijeva. Piensijanier KDB, były supracoŭnik dziaržaŭnaha sakrataryjata Rady biaśpieki.

• 14
• 0
• 3
• 2
• 0
• 0
• 2
• 0