Adzinaccacikłaśnik minskaj škoły skončyŭ žyćcio samahubstvam

Viadoma, što zahinułaje dzicia žyło ŭ adnym z pasiołkaŭ u pryharadzie Minska. Tam ža jon i źvioŭ rachunki z žyćciom. Usio adbyłosia ŭ minułyja vychodnyja — 14−15 lutaha.

— Heta praŭda, tak, takaja trahiedyja zdaryłasia, — nie stała chavać namieśnik dyrektara pa vychavaŭčaj rabocie Volha Astašova.

— Ja vam nie mahu skazać, tamu što zaraz idzie śledstva. Ale pryčyna tam niekalki ŭ inšym. Zrazumieła, tam niejki kompleks faktaraŭ, heta značyć nielha skazać, što štości adno stała pryčynaj.

Zavuč ab siamji chłopčyka kaža dobra, kaža, što jaje nielha nazvać niebiaśpiečnaj.

— Razumiejecie, kožnaje dzicia i kožny vypadak indyvidualny. Ale ja vam chaču skazać, što heta nie tyčycca ckavańnia niejkaha… Prosta dzicia nie spraviłasia ź situacyjaj peŭnaj. Heta 11‑y kłas… — dadała pradstaŭnica školnaj administracyi.

Pa słovach namieśnika dyrektara, zaraz sa staršakłaśnikami pracujuć psichołahi, u tym liku i śpiecyjalisty Respublikanskaha centra psichałahičnaj dapamohi.

— Z baćkami paraleli 11‑ch kłasaŭ my budziem pracavać ščylna, tak. Z usimi astatnimi — pa zajaŭnym pryncypie, — adznačyła zavuč. — Heta značyć, kali ŭ vas jość nieabchodnaść pahavaryć — prychodźcie, my akažam dapamohu. Śpiecyjalisty našy pracujuć. Mahčyma, što dzieści, sami razumiejecie, zaraz u nas i budzie peŭnaja zaniataść, tak. Ale my ŭ lubym vypadku nadadzim uvahu ŭsim, kamu nieabchodna.

Ni Śledčy kamitet, ni MUS, ni inšyja aficyjnyja struktury ab tym, što zdaryłasia, nie paviedamlali.

Raniej «Lusterka» sa spasyłkaj na ŭnutranyja dakumienty ŭpraŭleńniaŭ adukacyj dźviuch abłaściej pisała pra rost suicydaŭ siarod niepaŭnaletnich. Hienprakuratura taksama nazyvała suicyd adnoj z hałoŭnych pryčyn hibieli dziaciej.

Pa rasparadžeńni Minabłvykankama navat byŭ stvorany «Partret» niepaŭnaletniaha, jaki ździejśniŭ suicyd». Zhodna ź im, bolš za pałovu vypadkaŭ (51,4%) suicydaŭ siarod niepaŭnaletnich prychodzicca na padletkaŭ 15−17 hadoŭ, jašče 28,6% — na dziaciej va ŭzroście ad 10 da 14 hadoŭ. Pry hetym hinie adnolkavaja kolkaść chłopčykaŭ i dziaŭčynak.

Kali vy ŭ składanaj žyćciovaj situacyi i ŭźnikajuć dumki ab suicydzie, pamiatajcie, što vychad jość. Źviarniciesia pa dapamohu na kruhłasutačnyja telefony davieru. Heta ananimna i biaspłatna.

• Minsk: +375 17 352−44−44;
• Bresckaja vobłaść: +375 16 225−57−27;
• Viciebskaja vobłaść: +375 21 261−60−60;
• Homielskaja vobłaść: +375 23 231−51−61;
• Hrodzienskaja vobłaść: +375 15 275−23−90;
• Minskaja vobłaść: +375 17 270−24−01;
• Mahiloŭskaja vobłaść: + 375 22 271−11−61.

• 0
• 1
• 0
• 2
• 3
• 12
• 0
• 1