Sioletnija vučeńni ADKB projduć na dvuch biełaruskich palihonach
U Biełarusi pačałasia padrychtoŭka da vučeńniaŭ ADKB «Nieparušnaje braterstva — 2026» i «Barjer — 2026». Pieršyja vučeńni buduć prachodzić z udziełam miratvorčych sił, a druhija — z padraździaleńniami radyjacyjnaj, chimičnaj i bijałahičnaj abarony, a taksama miedycynskaha zabieśpiačeńnia, paviedamlaje pres-słužba Ministerstva abarony.
Zdymak ilustracyjny. Fota: BiełTA
U Minsku adbylisia pieramovy pradstaŭnikoŭ Biełarusi, Kazachstana, Kyrhyzstana, Rasii, Tadžykistana, a taksama Abjadnanaha štaba i Sakrataryjata ADKB. Padčas sustrečy ŭdzielniki ŭzhadnili płany praviadzieńnia vučeńniaŭ, skład kamandavańnia i nacyjanalnych kantynhientaŭ, paradak adpracoŭki praktyčnych dziejańniaŭ i pytańni zabieśpiačeńnia.
Akramia taho, była praviedziena rekahnascyroŭka miescaŭ, dzie buduć prachodzić vučeńni — palihonaŭ «Łośvida» i «Staradarožski».
Čytajcie taksama:
Biełaruś zadziejničała avijacyju dla źbićcia dronaŭ, jakija zalatajuć u Viciebskuju vobłaść
Valfovič: Za tydzień 116 ukrainskich dronaŭ zalacieła ŭ Biełaruś
Valfovič śćviardžaje, što ŭzrovień niebiaśpieki na miežach ADKB praciahvaje narastać