Valfovič śćviardžaje, što ŭzrovień niebiaśpieki na miežach ADKB praciahvaje narastać
Pra heta dziaržsakratar Rady biaśpieki zajaviŭ u Maskvie na pasiadžeńni Kamiteta sakrataroŭ radaŭ biaśpieki ADKB, piša BiełTA.
«Kompleksnaja acenka abstanoŭki va ŭsich rehijonach kalektyŭnaj biaśpieki, jakuju my pravodzim padčas našych štohadovych sustreč, dazvalaje zrabić vysnovu, što z kožnym hodam suśvietnyja i rehijanalnyja pracesy — nie tolki ŭ zonie adkaznaści ADKB, ale i na ŭsioj jeŭrazijskaj prastory — stanoviacca bolš składanymi i patrabujuć niaprostych rašeńniaŭ. Bačańnie situacyi, ahučanaje ŭ dakładzie hienieralnaha sakratara arhanizacyi, heta paćviardžaje. Biełaruskaja starana całkam padzialaje zakłapočanaść, źviazanuju z vyklikami i pahrozami kalektyŭnaj biaśpiecy dziaržaŭ-členaŭ. I my bačym, što niebiaśpieka na miežach ADKB praciahvaje narastać», — skazaŭ Alaksandr Valfovič.
ADKB — heta Arhanizacyja Damovy ab kalektyŭnaj biaśpiecy, kudy ŭvachodziać Rasija, Biełaruś, Kazachstan, Kyrhyzstan, Tadžykistan. Armienija znachodzicca ŭ pracesie vychadu z ADKB.
Kamientary