«Zanadta starońni čałaviek». Leanidu Sudalenku patłumačyli, čamu jamu nie skažuć pra pryčyny pryznańnia jahonaj tyktok-staronki «ekstremisckaj»

Pravaabaroncy i eks-palitviazień Leanid Sudalenka ŭ svaim telehram-kanale vystaviŭ kopiju lista, jaki jon atrymaŭ ad suda Maładziečanskaha rajona ŭ adkaz na prośbu dać jamu kopiju sudovaha rašeńnia, vyniesienaha pa spravie pryznańnia jahonaj asabistaj staronki ŭ tyktoku «ekstremisckaj». Akazvajecca, uładalnik takoj staronki, pavodle traktoŭki suda, nie adnosicca da asob, jakija majuć prava na atrymańnie takoj kopii.

«Arhumient suda vydatny ŭ svajoj prastacie:

ja nie mahu atrymać kopiju rašeńnia, bo «nie ŭdzielničaŭ u spravie».

To-bok:

• maju staronku možna pryznać «ekstremisckaj»;
• maje pravy možna abmiežavać;
• stvaryć ryzyku administracyjnaj i kryminalnaj adkaznaści;
• nanieści škodu reputacyi;

…ale daviedacca, na jakoj padstavie heta zroblena, — nielha?!

Pry hetym mnie navat nie paviedamlali pra razhlad spravy.

Sud razhledzieŭ pytańnie, jakoje niepasredna zakranaje maje pravy:

• biez majho ŭdziełu;
• biez mahčymaści pradstavić svaje piarečańni;
• biez spabornaści bakoŭ;
• a ciapier jašče i biez dostupu da samoha rašeńnia.

Vielmi zručnaja madel pravasudździa:

spačatku pryznajom «ekstremistam», a potym tłumačym, što vy zanadta starońni čałaviek, kab čytać rašeńnie pra samoha siabie», — piša Leanid Sudalenka.

Kamientary da artykuła