Mižnarodny sajuz ravarystaŭ źniaŭ abmiežavańni ź biełarusaŭ
Mižnarodny sajuz ravarystaŭ (UCI) całkam adnaviŭ u pravach biełaruskich spartsmienaŭ. Pra heta paviedamlajecca na sajcie arhanizacyi.
Zdymak ilustracyjny. Fota: magnific.com
Pačynajučy z 1 lipienia 2026 hoda biełaruskija viełahonščyki zmohuć vystupać na turnirach pad ehidaj Mižnarodnaha sajuza ravarystaŭ sa ściaham i himnam u asabistych i kamandnych spabornictvach. Z 2023 hoda jany brali ŭdzieł u mierapryjemstvach UCI u niejtralnym statusie.
Raniej pra źniaćcie ŭsich abmiežavańniaŭ ź biełarusaŭ abviaścili mižnarodnyja fiederacyi himnastyki, sučasnaha piaciborja, boksa, valejboła, baraćby, konnaha sportu, karate, tancavalnaha sportu, biljarda, vodnałyžnaha sportu, fiechtavańnia, muaj-taj, stralby z łuka. Takija rašeńni byli pryniatyja paśla taho, jak Mižnarodny alimpijski kamitet (MAK) 7 maja rekamiendavaŭ dapuścić biełaruskich spartsmienaŭ da ŭsich mižnarodnych spabornictvaŭ biez abmiežavańniaŭ.
Čytajcie taksama:
Mižnarodnaja fiederacyja studenckaha sportu źniała ŭsie abmiežavańni ź biełarusaŭ
World Athletics admoviłasia zdymać sankcyi ź biełaruskich spartsmienaŭ
Jašče adnu biełaruskuju spartyŭnuju fiederacyju viartajuć da mižnarodnych spabornictvaŭ
Ź biełaruskich barcoŭ źniali ŭsie abmiežavańni na mižnarodnaj arenie