Mižnarodnaja fiederacyja studenckaha sportu źniała ŭsie abmiežavańni ź biełarusaŭ
Vykanaŭčy kamitet Mižnarodnaj fiederacyi studenckaha sportu pryniaŭ rašeńnie ab nieadkładnym adnaŭleńni ŭdziełu studentaŭ-spartsmienaŭ ź biełaruskimi pašpartami va ŭsich spabornictvach.
Rašeńnie ab viartańni biełarusaŭ było pryniataje ŭ adpaviednaści z rekamiendacyjami Mižnarodnaha alimpijskaha kamiteta ad 7 maja 2026 hoda.
Što tyčycca rasijskich studentaŭ-spartsmienaŭ, to situacyja bolš składanaja. Mižnarodny alimpijski kamitet nie admianiŭ svaje abmiežavańni ŭ dačynieńni da rasijskich spartsmienaŭ starejšaha ŭzrostu, ale rekamienduje, kab maładyja spartsmieny nie nieśli adkaznaści za dziejańni svaich uradaŭ.
Apošnija tydni biełaruskich spartoŭcaŭ viartajuć da mižnarodnych spabornictvaŭ, ad jakich jany byli adchilenyja paśla pačatku poŭnamaštabnaj vajny suprać Ukrainy ŭ lutym 2022 hoda.
Raniej pra poŭnaje adnaŭleńnie pravoŭ atletaŭ ź Biełarusi ŭžo abviaścili Mižnarodny sajuz sučasnaha piaciborja, Suśvietnaja baksiorskaja arhanizacyja, Mižnarodnaja fiederacyja valejboła, Abjadnany śviet baraćby, Mižnarodnaja fiederacyja konnaha sportu i Suśvietnaja fiederacyja łučnikaŭ, Jeŭrapiejskaja fiederacyja himnastyki.
Ciapier čytajuć
Žančyny ŭ achovie i braniavany kartež. Jak Ukraina arhanizavała biaśpieku vizitu Cichanoŭskaj u Kijeŭ5
Kamientary