Pajšła ŭ bankructva najstarejšaja turystyčnaja arhanizacyja Biełarusi

Ekanamičny sud Minska pryznaŭ kampaniju «Biełaruski spadarožnik» bankrutam i pryniaŭ rašeńnie ab jaje likvidacyi. Płan zaviaršeńnia pracedury kredytory pavinny ŭzhadnić da lutaha 2027 hoda, piša vydańnie «Biełorusy i rynok».

Fota: «Jandeks-Karty»

Zajavu ab bankructvie ŭ lutym 2026 hoda padała padatkovaja inśpiekcyja. Pavodle materyjałaŭ spravy, zapazyčanaść pradpryjemstva pierad biudžetam składała 8,1 tysiačy rubloŭ. Pry hetym kampanija nie mieła aktyvaŭ, nie viała haspadarčaj dziejnaści i ź siaredziny 2023 hoda zastavałasia biez kiraŭnika.

Padčas pracedury ekanamičnaj niepłatazdolnaści antykryzisny kiraŭnik vyjaviŭ, što ahulnaja zapazyčanaść pierad usimi kredytorami nabližajecca da 75 tysiač rubloŭ. Adzinym vyjaŭlenym aktyvam akazałasia dola ŭ kampanii «Biuro», acenienaja ŭsiaho ŭ 72 rubli.

«Biełaruski spadarožnik» byŭ pravapierajemnikam Biuro mižnarodnaha maładziožnaha turyzmu «Spadarožnik», stvoranaha ŭ 1958 hodzie. U saviecki čas arhanizacyja faktyčna była manapalistam u śfiery mižnarodnaha i ŭnutranaha maładziožnaha turyzmu.

Paśla raspadu SSSR biełaruskamu boku ŭdałosia zachavać kantrol nad respublikanskim padraździaleńniem, niahledziačy na pretenzii z Maskvy. U siaredzinie 1990‑ch hadoŭ pradpryjemstva było pieradadziena pad kiravańnie Biełaruskaha respublikanskaha sajuza moładzi.

Kamientary da artykuła