Ukraina atakavała centr vytvorčaści bieśpiłotnikaŭ na aeradromie pad Razańniu

8 červienia ŭkrainskija bieśpiłotniki atakavali aeradrom Pratasava ŭ Razanskaj vobłaści Rasii. Videa ŭdaru było apublikavana ŭ telehram-kanale «Dośje špiona», piša The Moscow Times.

Skrynšot ź videa

Na kadrach bačna, jak dron pikiruje na abjekt i vybuchaje. Niezaležnyja naziralniki śćviardžajuć, što videazapis byŭ zrobleny mienavita na terytoryi aeradroma Pratasava.

Na terytoryi aeradroma raźmiaščajecca navukova-vytvorčy centr «Pratos», jaki śpiecyjalizujecca na raspracoŭcy i vytvorčaści bieśpiłotnych latalnych aparataŭ, a taksama kamplektujučych, prahramnaha zabieśpiačeńnia i sistem kiravańnia.

Centr pačaŭ pracu ŭ lipieni 2024 hoda. Da červienia 2026 hoda ŭ im dziejničali 54 kampanii-rezidenty. Adnoj z hałoŭnych pieravah placoŭki nazyvałasia mahčymaść vypraboŭvać bieśpiłotniki na ŭźlotna-pasadačnaj pałasie dziejnaha aeradroma.

Infarmacyi pra paciarpiełych abo maštaby razbureńniaŭ pakul niama. Rasijskija ŭłady na momant publikacyi aficyjna nie paviedamlali pra nastupstvy ataki.

Raniej ukrainskija siły ŭžo nanosili ŭdary pa rasijskich pradpryjemstvach, źviazanych z vytvorčaściu bieśpiłotnikaŭ. U krasaviku byŭ atakavany zavod «Atłant Aera» ŭ Tahanrohu, dzie vyrablajucca drony «Małanka» i kamplektujučyja dla ciažkaha bieśpiłotnika «Aryjon». Pavodle infarmacyi Hienieralnaha štaba Ukrainy, tady byli źniščanyja dva i paškodžanyja čatyry vytvorčyja pamiaškańni pradpryjemstva.

Kamientary da artykuła